മോദി സ്തുതിയിൽ തരൂരിനെ ഒരു ചുക്കും ചെയ്യില്ല. ചെന്നിത്തലയും മുരളിയും വിറയ്ക്കും!!മോദിയെ സ്തുതിക്കുന്നവര്‍ക്ക് കോണ്‍ഗ്രസില്‍ സ്ഥാനമില്ലെന്നും അത്തരക്കാര്‍ക്ക് ബി.ജെ.പിയില്‍ പോകാമെന്നും മുരളീധരന്‍ തുറന്നടിച്ചു.മോദിയെ ക്രൂരനായി ചിത്രീകരിച്ചു വിമര്‍ശിക്കുന്നതു നല്ലതല്ലെന്ന് മുതിര്‍ന്ന കോണ്‍ഗ്രസ് നേതാക്കളായ ജയറാം രമേശും അഭിഷേക് മനു സിങ്‌വിയും നേരത്തേ പറഞ്ഞിരുന്നു. ഇതിനെ പിന്തുണച്ച് തരൂരും രംഗത്തെത്തിയിരുന്നു.
മോദിയുടെ ദുഷ്‌ചെയ്തികള്‍ മറച്ചുവെയ്ക്കാനാകില്ലെന്നായിരുന്നു പ്രതിപക്ഷ നേതാവ് രമേശ് ചെന്നിത്തല തരൂരിനു മറുപടി നല്‍കിയത്. എന്നാല്‍ ഇതിനെതിരെ തരൂര്‍ രൂക്ഷമായ ഭാഷയിലാണു പ്രതികരിച്ചത്.തന്നെ ആരും പഠിപ്പിക്കേണ്ടെന്നും കോണ്‍ഗ്രസില്‍ മറ്റാരെക്കാളും ബി.ജെ.പിയെ എതിര്‍ക്കുന്നയാളാണു താനെന്നും അദ്ദേഹം പറഞ്ഞു. നല്ലതു ചെയ്താല്‍ പറയുമെന്നും വിമര്‍ശനങ്ങള്‍ ശക്തമായി തുടരുമെന്നും അദ്ദേഹം പറഞ്ഞു.
Top