കാസില്‍ലാന്‍ഡ് ക്രിക്കറ്റ് ടൂര്‍ണ്ണമെന്റിൽ മീത്ത് റോയല്‍ ചലഞ്ചേഴ്സിനെ പരാജയപ്പെടുത്തി കെ സി സി ചാമ്പ്യന്മാര്‍

ഡബ്ലിന്‍: കാസിൽലാന്‍ഡ് ക്രിക്കറ്റ് ക്ലബ്ബിന്റെ ആഭിമുഖ്യത്തില്‍ അതിഗംഭീരമായ നടത്തപെട്ട ആദ്യ ഔട്ട്‌ഡോര്‍ ക്രിക്കറ്റ് ടൂര്‍ണമെന്റിൽ മീത്ത് റോയല്‍ ചലഞ്ചേഴ്സിനെ പരാജയപ്പെടുത്തി കെ സി സി ചാമ്പ്യന്മാരായി. രണ്ട് ദിവസങ്ങളിലായിട്ടാണ് ഈ ക്രിക്കറ്റ് മാമാങ്കം നടത്തപ്പെട്ടത് . രാജ്യത്തെ വിവിധ പ്രദേശങ്ങളില്‍ നിന്നും പങ്കെടുത്ത 24 ടീമുകള്‍ ഈ ക്രിക്കറ്റ് മാമാങ്കത്തില്‍ പങ്കെടുത്തു.

ഒന്നാം സമ്മാനമായി 500 യൂറോയും എവര്‍റോളിങ് ട്രോഫിയും വിജയികളായ കെ സി സിക്ക് ലഭിച്ചു. റണ്ണേഴ്‌സ് അപ്പിന് 300 യൂറോയുടെ ക്യാഷ് അവാര്‍ഡും ട്രോഫിയും ലഭിച്ചു. ലൂസേഴ്‌സ് ഫൈനലില്‍ എഎംസി വിജയികളായി. മികച്ച ബാറ്റ്‌സ്മാനായി കെസിസിയുടെ സുമേറും, മികച്ച ബൗളറായി ആര്‍ സിസിയുടെ നിതിനും ,മാന്‍ ഓഫ് ദി മാച്ച് ആയി കെസിസിയുടെ സിദ്ധാർഥും തിരഞ്ഞെടുക്കപ്പെട്ടു.

സ്‌പൈസ് ബസാറും ഏഷ്യൻ ഫിനാൻഷ്യൽ കമ്പനിയും ടൂർണമെന്റിൻന്റെ പ്രധാന സ്പോൺസേഴ്സ് ആയിരുന്നു.Feel At Home, Find Asia, Mudra events & Royal Catering, Blue Chips and tiles ,എന്നിവർ ആയിരുന്നു കാസ്സില്‍ലാന്‍ഡ് ക്രിക്കറ്റ് ക്ലബ്ബ് ടൂർണമെന്റിന്റെ സ്‌പോൺസേഴ്‌സ്.