ലണ്ടന്‍: യാത്രകള്‍ ചെയ്യാന്‍ വളരെയേറെ ഇഷ്ടമുള്ള ആളാണ് മോഹന്‍ലാല്‍. മോഹന്‍ലാല്‍ ഇപ്പോള്‍ ലണ്ടനിലാണ് ഉള്ളത്. ലണ്ടനില്‍ എത്തിയ മോഹന്‍ലാല്‍ ഉടന്‍ തന്നെ പാരീസിലേക്ക് പോകുമെന്നാണ് ലഭ്യമാകുന്ന വിവരം. ലണ്ടനിലെ ഒക്‌സ്‌ഫോര്‍ഡ് സ്ട്രീറ്റില്‍ വെച്ച് ചില മലയാളികള്‍ പകര്‍ത്തിയ ചിത്രം സമൂഹമാധ്യമങ്ങളില്‍ വൈറലായതോടെയാണ് മോഹന്‍ലാല്‍ ലണ്ടനില്‍ എത്തിയ വിവരം യുകെ മലയാളികള്‍ അറിയുന്നത്. സ്വകാര്യ സന്ദര്‍ശനത്തിനായാണ് മോഹന്‍ലാല്‍ ലണ്ടനില്‍ എത്തിയതെന്നാണ് ലഭ്യമാകുന്ന വിവരം. ചിത്രത്തില്‍ സൂരാജ് വെഞ്ഞാറമൂട് ഉള്‍പ്പടെയുള്ളവരും ഉണ്ട്.
കഴിഞ്ഞ ദിവസം മമ്മൂട്ടിയും ലണ്ടനില്‍ വന്നിരുന്നു. പ്രശസ്ത വ്യവസായിയായ എം എ യൂസഫ് അലിയും മമ്മൂട്ടിയും ലണ്ടനിലെ പ്രശസ്തമായ ന്യൂബോണ്ട് സ്ട്രീറ്റില്‍ വെച്ച് കണ്ടുമുട്ടുന്ന വിഡിയോയും യൂസഫ് അലി ഓടിക്കുന്ന റോള്‍സ് റോയ്സില്‍ മമ്മൂട്ടി യാത്രക്കാരനായി സഞ്ചരിക്കുന്ന ചിത്രങ്ങളും വിവിധ സമൂഹമാധ്യമ അക്കൗണ്ടുകളിലൂടെ വൈറല്‍ ആയിരുന്നു.
Top