സർക്കാർ സർവീസിൽ ശമ്പള വർദ്ധന ! രണ്ടര വര്ഷത്തിനിടയിൽ 10.5% പുതിയ പൊതുമേഖലാ ശമ്പള കരാർ അംഗീകരിച്ചു. നേഴ്‌സുമാരുടേയും ഡോക്ടർമാരുടെയും ശമ്പളം കൂട്ടി ! 10.5% ശമ്പള വർദ്ധന !

ഡബ്ലിൻ : നഴ്‌സുമാർ, ഡോക്ടർമാർ, ഗാർഡ, അധ്യാപകർ എന്നിവരുൾപ്പെടെ 385,000 സർക്കാർ ജീവനക്കാർക്ക് ശമ്പള വർദ്ധന കരാർ .10.25% വർദ്ധന രണ്ടര വർഷ കാലയളവിൽ ഉണ്ടാകുന്ന തരത്തിൽ പുതിയ പൊതുമേഖലാ ശമ്പള കരാർ സർക്കാർ അംഗീകരിച്ചു. വർക്ക്‌പ്ലേസ് റിലേഷൻസ് കമ്മീഷനിൽ (ഡബ്ല്യുആർസി) ഇന്നലെ രാത്രി മുഴുവൻ ചർച്ചകൾ നടന്നു, ഇരുപക്ഷത്തെയും ഇന്നലെ അവരുടെ നിലപാടുകൾ അറിയിച്ചു.

ഇന്നലെ രാവിലെ 11 മണിക്ക് തുടങ്ങിയ ചർച്ചകൾ ഇന്ന് രാവിലെ വരെ തുടർന്നു. അവസാന റൗണ്ട് ശമ്പള ചർച്ച ജനുവരി 11 ന് പുലർച്ചെ ധാരണയില്ലാതെ മാറ്റിവച്ചിരുന്നു.രണ്ടര വർഷത്തിനുള്ളിൽ 8.5% ശമ്പള വർദ്ധനവ് സർക്കാർ വാഗ്ദാനം ചെയ്തിരുന്നു, എന്നാൽ യൂണിയനുകൾ ഏകദേശം 12.5% ​​വർദ്ധന ആവശ്യപ്പെട്ടിരുന്നത് .

ആദ്യ ശമ്പള വർദ്ധനവ് 2.25% അല്ലെങ്കിൽ €1,125 ആയിരിക്കും, ഏതാണ് വലുത് എന്നതനുസരിച്ച് ഇവ 2024 ജനുവരി 1 മുതൽ മുൻകാല പ്രാബല്യത്തോഹോറെ നിലവിൽ വരും കൂടാതെ 2024 ജൂൺ 1-ന് വീണ്ടും 1% വർദ്ധനവ് ഉണ്ടാകും. അടുത്ത ഒക്ടോബർ 1-ന് വീണ്ടും 1% വർദ്ധന അല്ലെങ്കിൽ €500, ഏതാണോ വലുത് അത് ഉണ്ടാകും.

2025 മാർച്ച് 1-ന് 2% വർദ്ധനവും തുടർന്ന് 2025 ഓഗസ്റ്റ് 1-ന് 1% വർദ്ധനവും ഉണ്ടാകും.2026 ഫെബ്രുവരി 1-ന് പൊതുസേവകർക്ക് 1% വർദ്ധനയും അവസാന 1% 2026 ജൂൺ 1 മുതൽ പ്രാബല്യത്തിൽ വരും.ശമ്പള വർദ്ധനവ് നടപടിക്രമങ്ങൾ രണ്ടര വർഷത്തിനുള്ളിൽ പൂർത്തിയാക്കും . മൊത്തം ചെലവ് 3.6 ബില്യൺ യൂറോയാണ് .ഇത് 2024, 2025, 2026, 2027 എന്നീ നാല് ബജറ്റ് വർഷങ്ങളിലായി ക്രമീകരിച്ചിരിക്കുന്നു.

ഗവൺമെൻ്റിൽ നിന്ന് മെച്ചപ്പെട്ട ഓഫർ നേടുന്നതിൽ തങ്ങൾ വിജയിച്ചിട്ടുണ്ടെന്നും എന്നാൽ ചർച്ചകൾ ബുദ്ധിമുട്ടായിരുന്നുവെന്നും ലീഡ് യൂണിയൻ നെഗോഷ്യേറ്ററും ഫോർസയുടെ ജനറൽ സെക്രട്ടറിയുമായ കെവിൻ കാലിനൻ പറഞ്ഞു.

“മുമ്പത്തെ ചർച്ചകളേക്കാൾ ഇത്തവണത്തെ ചർച്ചകൾ വിഷമകരം ആയിരുന്നു എങ്കിലും പ്രധാന കാര്യം, ഇപ്പോൾ ഞങ്ങളുടെ അഫിലിയേറ്റ് യൂണിയനുകൾക്ക് സന്തോഷിക്കാവുന്ന ഒരു ഫലം നേടാൻ ഞങ്ങൾക്ക് കഴിഞ്ഞു എന്നത് വലിയ വിജയം ആണ് എന്ന് മിസ്റ്റർ കാലിനൻ പറഞ്ഞു.

അസ്സോസിയേഷൻ ഓഫ് ഗാർഡ സെർജൻ്റ്സ് ആൻഡ് ഇൻസ്‌പെക്ടർമാരുടെ (എജിഎസ്ഐ) ജനറൽ സെക്രട്ടറി അൻ്റോനെറ്റ് കണ്ണിംഗ്ഹാം, ശമ്പള ഇടപാടിനെ കുറിച്ച് പിന്നീട് അംഗങ്ങളുമായി ചർച്ച ചെയ്യുമെന്ന് പറഞ്ഞു.

“വേതന ചർച്ചകൾക്കിടയിൽ ഡബ്ല്യുആർസിയിലെ ഫെസിലിറ്റേറ്റർമാരെ AGSI അഭിനന്ദിക്കുകയും നന്ദി പറയുകയും ചെയ്തു . എന്നിരുന്നാലും ഗാർഡ പേ എങ്ങനെ ചർച്ച ചെയ്യപ്പെടുന്നു എന്നതിനെക്കുറിച്ചും പൊതു ചെലവ് പരിഷ്കരണ വകുപ്പിൻ്റെ ഗാർഡ ജോലിയുമായി ബന്ധപ്പെട്ട പ്രശ്നങ്ങളെക്കുറിച്ചുള്ള ധാരണയില്ലായ്മയെക്കുറിച്ചും ഞങ്ങൾ മൊത്തത്തിൽ വളരെയധികം ഉത്കണ്ഠാകുലരാണ്,” മിസ് കണ്ണിംഗ്ഹാം പറഞ്ഞു.