നാണംകെട്ട; നെറികെട്ട; വേഷംകെട്ടുകള്‍ നടത്തുന്ന അഭിഭാഷകക്കൂട്ടം; അഭിഭാഷകര്‍ പിന്തുണയ്ക്കുന്നത് പെണ്ണുകേസിലെ പ്രതിയെയെന്ന് സംഗീത ലക്ഷ്മണ

കൊച്ചി: ഹൈക്കോടതിയില്‍ അഴിഞ്ഞാടിയ അഭിഭാഷകര്‍ക്കെതിരെ അഭിഭാഷക സംഗീത ലക്ഷ്മണ രംഗത്തെത്തി. അഭിഭാഷകര്‍ പിന്തുണയ്ക്കുന്നത് പെണ്ണുകേസിലെ പ്രതിയായ സഹപ്രവര്‍ത്തകനെയാണെന്ന് സംഗീത ലക്ഷ്മണ പറയുന്നു. മാധ്യമപ്രവര്‍ത്തകര്‍ക്കെതിരെ അഭിഭാഷകര്‍ നടത്തുന്ന പേക്കൂത്ത് കണ്ടുനില്‍ക്കാനാവില്ലെന്നും അവര്‍ വ്യക്തമാക്കി.

കറുത്ത കോട്ടിട്ട് അസഭ്യം പറയുന്നതിനോട് യോജിക്കുന്നില്ലെന്നും സംഗീത പറഞ്ഞു. നിങ്ങളുടെ ഫ്രണ്ട് ലിസ്റ്റില്‍ ഉള്ള ഹൈക്കോടതി അഭിഭാഷകരില്‍ വളരെ വളരെ ചുരുക്കം, ഏറിയാല്‍ 10 ശതമാനം മാത്രമാണ് കഴിഞ്ഞ 3 ദിവസമായി മാധ്യമപ്രവര്‍ത്തകര്‍ക്ക് നേരെ ചില അഭിഭാഷകര്‍ നടത്തുന്ന പേക്കൂത്തുകള്‍ അനുകൂലിച്ചുകൊണ്ടുള്ള updates ഇവിടെ പോസ്റ് ചെയ്തിട്ടുള്ളത് എന്ന്; ഇവരില്‍ പലരും മറ്റുള്ളവരുടെ updatse/photos share ചെയ്യുക മാത്രമാണ് ചെയ്തിട്ടുള്ളത്. ഇക്കൂട്ടര്‍ തന്നെ പോസ്റ് ചെയ്യുന്ന links/photosല്‍ വിരലില്‍ എണ്ണാവുന്നത്ര വനിതാ അഭിഭാഷകരെ മാത്രമേ കാണാനും ഉള്ളു എന്നതും നിങ്ങള്‍ ശ്രദ്ധിച്ചുവോ? പുരുഷനായാലും സ്ത്രീയായാലും ബാക്കി ഏതാണ്ട് 90 ശതമാനം അഭിഭാഷകരും ഈ വിഷയത്തില്‍ silent ആണ് റലമേരവലറ ആണ്. ശ്രദ്ധിക്കുക.

ഇനി ഹൈക്കോടതി boycott എന്ന കലാപരിപാടിയുടെ കാര്യം ഇന്ന് കോടതി നടപടികളില്‍ നിന്ന് വിട്ടുനില്‍ക്കുന്ന അഭിഭാഷകര്‍ മുഴുവന്‍ ഈ കസ്രത്തിനെ അനുകൂലിക്കുന്നു എന്നും അര്‍ത്ഥമില്ല. നമ്മുടെ നാട്ടില്‍ ഒരു ഹര്‍ത്താല്‍ പ്രഖ്യാപിച്ചാല്‍ നമ്മള്‍ ജോലിക്ക് പോകാതിരിക്കുന്നത് ഹര്‍ത്താല്‍ അനുകൂലിക്കുന്നത് കൊണ്ട് തന്നെയാണോ എന്ന ചോദ്യത്തിനുള്ള ഉത്തരമാണ് ഇവിടെയും അന്യോജ്യം, പര്യാപ്തം.

വെള്ള ഉടുപ്പും കഴുത്തില്‍ വെള്ള ബാന്‍ഡും അതിനുമുകളില്‍ കറുത്ത കോട്ടും പവിത്രം എന്ന് ഞാന്‍ കരുതുന്ന യൂണിഫോം ധരിച്ച് നടുറോഡില്‍ ഇറങ്ങി അതിസാഹസീക സ്റ്റണ്ടുകളും ആരെയും വെല്ലുന്ന അസഭ്യവര്‍ഷവും എല്ലാം തുടങ്ങുന്നത് പെണ്ണ് കേസില്‍ പ്രതിയായ ഒരു സഹപ്രവര്‍ത്തകന് കുട പിടിക്കാന്‍, ചൂട്ടു കത്തിച്ചു പിടിച്ചു അവനെ വീട്ടില്‍ തിരിച്ച് എത്തിയ്ക്കാന്‍, മാധ്യമ ക്യാമറകളില്‍ നിന്നു അവനെ ഒളിപ്പിച്ചു നിര്‍ത്താന്‍ കഴിയാതെ പോയ തങ്ങളുടെ കഴിവുകേട് മറച്ചു പിടിക്കാന്‍, മറ്റു പരാക്രമങ്ങളിലേയ്ക്ക് ഹൈക്കോടതി അഭിഭാഷസംഘടന തയ്യാറായി ഇറങ്ങി പുറപ്പെട്ടപ്പോള്‍ മാത്രമാണ്. അതാണ്, അതു തന്നെയാണ് root cause. origin അതു തന്നെയാണ്.

ഇതാണ് ഒരു അഭിഭാഷസംഘടന എന്നതിന്റെ ഉദ്ദേശലക്ഷ്യങ്ങള്‍ എങ്കില്‍, ഒരു അഭിഭാഷസംഘടനയുടെ പ്രവര്‍ത്തശൈലി എങ്കില്‍ … i leave it your IQ to guess, imagine, predict and predicate how things would be here if this is how its going to be, in future tense.

മേല്‍ പറഞ്ഞ എന്റെ അഭിപ്രായങ്ങളോട് വിയോജിപ്പുള്ളവര്‍, എതിര്‍പ്പുള്ള അഭിഭാഷക സുഹൃത്തുക്കള്‍ അതു രേഖപ്പെടുത്തുവാന്‍ സ്വന്തം profile wall ഉപയോഗിക്കുക. ആവശ്യമെങ്കില്‍ എന്നെ മേഴ ചെയ്തും കൊള്ളുക. എന്റെ നെഞ്ചത്തോട്ട് കയറാന്‍ വരണ്ട എന്ന് അര്‍ത്ഥം. എനിക്കാണെങ്കില്‍ നെഞ്ച് അല്‍പം കൂടുതലും നട്ടെലിന് അല്പം ബലകൂടുതലും ഉള്ളതാണ്.

എന്ത് വിപ്ലവം ഉണ്ടാക്കാനായിട്ടാണ് എങ്കിലും, ഇനി അതല്ല എന്റെ തന്നെ തല പോകുന്ന കാര്യമാണ് എങ്കില്‍ കൂടി, നിങ്ങളുടെ കേസ് കോടതിയില്‍ പോസ്റ് ചെയ്യതിട്ടുള്ള ദിവസം നിങ്ങള്‍ക്ക് വേണ്ടി നിങ്ങളുടെ കേസില്‍ കോടതിയില്‍ ഹാജരാകാതെ ഇമ്മാതിരി നാണംകെട്ട, നെറികെട്ട, ബോധംകെട്ട വേഷംകെട്ടുകള്‍ ഉറിഞ്ഞാടുന്ന അഭിഭാഷകക്കൂട്ടത്തില്‍ ഈ സംഗീത ലക്ഷ്മണ ഉണ്ടാവില്ല. പകരം നിങ്ങളുടെ കേസ് വിളിക്കുമ്പോള്‍ കോടതിയുടെ മുന്നില്‍, തല ഉയര്‍ത്തി പിടിച്ചു തന്നെ നില്‍ക്കുന്നുണ്ടാവും ഞാന്‍.