കൊച്ചി: വാക്‌സിനുകള്‍ എടുക്കുന്ന കുട്ടികളേക്കാള്‍ വാക്സിന് സ്വീകരിക്കാത്ത കുട്ടികള്‍ ആരോഗ്യമുള്ളവരാണെന്ന് ജനാരോഗ്യ പ്രസ്ഥാനം ചെയര്‍മാന്‍ ഡോ. ജേക്കബ് വടക്കന്‍ചേരി. വാക്‌സിനുകളില്‍ അടങ്ങിയിട്ടുള്ള മൃഗകോശങ്ങളും മെര്‍ക്കുറി അടങ്ങിയ തിമിറോസിസിലും ഫോര്‍മലിനും അലുമിനിയം സള്‍ഫേറ്റുമൊക്കെയാണ് കുട്ടികളെ രോഗികളാക്കുന്നതെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.
അമേരിക്കയില്‍ നിരോധിച്ചിട്ടുള്ള വാക്സിന് പോലും കുട്ടികള്‍ക്ക് നല്‍കി വരുന്ന ഇന്ത്യയില്‍ കുട്ടികളില്‍ കണ്ടുവരുന്ന പുതിയ രോഗങ്ങളുടെ പ്രധാനപ്പെട്ട ഒരു കാരണം വാക്‌സിനുകളില്‍ അടങ്ങിയിട്ടുള്ള രാസവിഷങ്ങളാണ്. തടയുന്നു എന്നുപറയുന്ന ചെറിയ രോഗങ്ങള്‍ക്ക് പകരം തടയാന്‍ കഴിയാത്ത വലിയ രോഗങ്ങളുണ്ടാക്കുന്ന വാക്‌സിനേഷനുകള്‍ നിര്‍ബന്ധമാക്കണമെന്ന ചിലരുടെ ആവശ്യം കൂടുതല്‍ രോഗികളെ ഉണ്ടാക്കി കൂടുതല്‍ ചികിത്സകള്‍ വില്‍ക്കാന്‍ വേണ്ടിയാണെന്നും അദ്ദേഹം ആരോപിച്ചു.
വാക്സിന് എടുക്കാത്ത കുട്ടികളെ സ്‌കൂളില്‍ പ്രവേശിപ്പിക്കില്ലെന്ന നിയമം ജനാധിപത്യവും പൗരാവകാശവും നിലനില്‍ക്കുന്ന ഇന്ത്യയില്‍ നടപ്പാക്കാന്‍ കഴിയാത്തതാണ്. പൗരന്റെ മൗലികാവകാശത്തില്‍ കടന്നുകയറാനുള്ള കുത്സിത ശ്രമങ്ങളെ ചെറുക്കണമെന്ന് ആവശ്യപ്പെട്ട് മുഖ്യമന്ത്രിക്കും ആരോഗ്യമന്ത്രിക്കും നിവേദനം നല്‍കിയതായും
Top