Connect with us

Cricket

ശ്രീനിവാസനൊപ്പം ധോണിയും പുറത്തേക്ക്‌: ഇന്ത്യന്‍ ടീമില്‍ പിടിമുറുക്കി സച്ചിന്‍; ദ്രാവിഡ്‌ കോച്ചാവാതിരുന്നത്‌ ധോണിയോടുള്ള എതിര്‍പ്പ്‌ മൂലം

Published

on

dhoni1ഇന്ത്യന്‍ ക്രിക്കറ്റില്‍ മഹേന്ദ്രസിംഗ് ധോണിയുടെയും എന്‍. ശ്രീനിവാസന്റെ അപ്രമാധിത്വത്തിന് അവസാനമാകുന്നു. ഇതിന് വ്യക്തമായ സൂചന നല്‍കുന്നതാണ് ഇന്ത്യന്‍ ടീമിന്റെ സിംബാബ്‌വെ പര്യടനത്തില്‍ ക്യാപ്ടന്‍ സ്ഥാനത്തേക്ക് മുംബൈ താരം അജിഗ്യ രഹാനയെ വാഴിച്ചുകൊണ്ടുള്ള സെലക്ഷന്‍ കമ്മിറ്റിയുടെ തീരുമാനം. ഒരാഴ്ചമുമ്പ് ധോണി തള്ളിക്കളഞ്ഞ രഹാനക്ക് തന്നെ ബാറ്റണ്‍ കൈമാറുകയും ഒപ്പം ഫോമിലല്ലാത്ത ധോണിയുടെ കണ്ണിലുണ്ണികളായ ജഡേജയെയും റെയ്‌നയെയും ഇന്ത്യന്‍ എ ടീമില്‍ പോലും ഉള്‍പ്പെടുത്താതെ ഒഴിവാക്കുകയും ചെയ്തതിനു പിന്നില്‍ വ്യക്തമായ രാഷ്ട്രീയമാണ് അണിയറയില്‍ കളിക്കുന്നത്. ഒപ്പം എന്‍. ശ്രീനിവാസനെയും ചെന്നൈ ലോബിയെയും മലര്‍ത്തിയടിച്ച് ബി.സി.സി.ഐയില്‍ ശക്തമായ സാന്നിധ്യം അറിയിക്കാനുള്ള സെക്രട്ടറി അനുരാഗ് ഠാക്കുറിന്റെ നീക്കങ്ങളും.

കഴിഞ്ഞ ബംഗ്ലാദേശ് പര്യടനത്തില്‍ ആദ്യ മത്സരത്തില്‍ റണ്‍ കണ്ടെത്താന്‍ വിഷമിച്ച അജിഗ്യ രഹാനയെ ശേഷിച്ച രണ്ടുകളികളില്‍ നിന്നും മാറ്റി പകരം അബാട്ടി റായിഡുവിന് അവസരം നല്‍കിയ ധോണിക്കുള്ള സെലക്ടര്‍മാരുടെ ശക്തമായ മറുപടികൂടിയാണ് രഹാനെയുടെ തിരിച്ചുവരവ്. ഒപ്പം രഹാനയില്‍ തങ്ങള്‍ക്ക് വിശ്വാസമുണ്ടെന്ന മുന്നറിയിപ്പും. കഴിഞ്ഞ ഐ.പി.എല്ലില്‍ മികച്ച റണ്‍വേട്ടക്കാരനായ രഹാനയെ, സ്ലോ പിച്ചുകളില്‍ സ്‌ട്രൈക്ക് കൈമാറാന്‍ ബുദ്ധിമുട്ടുന്നതിന്റെ പേരിലാണ് ബംഗ്ലാദേശുമായുള്ള രണ്ടാം മത്സരത്തില്‍ നിന്നും ധോണി ഒഴിവാക്കുന്നത്. പകരം അബാട്ടി റായിഡുവിന് അവസരം നല്‍കിയതും ഇതു ചോദ്യം ചെയ്ത പത്രക്കാരോട് ധോണി പറഞ്ഞ ന്യായം റായിഡു സാങ്കേതിക തികവുള്ള കളിക്കാരനോ സ്റ്റൈയിലിഷായി കളിക്കുന്ന താരമോ അല്ല, പക്ഷേ മധ്യനിരയില്‍ റണ്‍ അടിക്കാന്‍ അറിയാം. അയാളുടെ ക്രിക്കറ്റിനോടുള്ള പാഷന്‍ അത് മനസ്സിലാക്കിതരുന്നതാണ്. എന്നാല്‍ പാഷന്‍ മാത്രമാണോ ടീമിലേക്കുള്ള മാനദണ്ഡം എന്ന പത്രക്കാരുടെ ചോദ്യത്തിന് മുന്നില്‍ നിന്ന് ഒഴിഞ്ഞുമാറിയ ധോണി എല്ലാം ഫീല്‍ഡില്‍കാണമെന്ന് മറുപടി നല്‍കി സമര്‍ഥമായി തലയൂരുകയായിരുന്നു. എന്നാല്‍ ധോണിയുടെ ഈ ഇഷ്ടക്കാരന് രണ്ടുമത്സരങ്ങളിലും ടീമിനായി കാര്യമായ സംഭാവന നല്‍കാനായില്ലെന്നത് വേറെകാര്യം. കൂടാതെ ആദ്യ മത്സരത്തില്‍ തന്നെ അക്കൗണ്ട് തുറക്കാതെ പുറത്താകുകയും ചെയ്തു.

അതേസമയം റായിഡുവിനെ ടീമിലേക്ക് കേറ്റാന്‍ ധോണി പറഞ്ഞ ന്യായീകരങ്ങളോട് താല്‍കാലിക കോച്ച് രവി ശാസ്ത്രിക്കും ടീമിന്റെ മുഖ്യഉപദേശകരായ സച്ചിന്‍, ഗാംഗുലി, ലക്ഷമണ്‍ എന്നിവര്‍ക്കും വിയോജിപ്പുണ്ടായിരുന്നതായി വാര്‍ത്തകള്‍ പുറത്തുവന്നിരുന്നു. ഇവര്‍ ഇത് സെലക്ഷന്‍ കമ്മിറ്റി ചെയര്‍മാന്‍ സന്ദീപ് പാട്ടീലിനോട് വ്യക്തമാക്കുകയും ചെയ്തു. എന്നാല്‍ ബംഗ്ലാദേശ് പര്യടനത്തിലുള്ള ടീമിന്റെ നല്ല ഭാവിയെ കരുതി ഇവര്‍ മൗനം പാലിക്കുകയായിരുന്നു. അതേസമയം രണ്ടാം ഏകദിനവും തോറ്റ് ചരിത്രത്തില്‍ ആദ്യമായി ബംഗ്ലാദേശിന് പരമ്പര അടിയറവേക്കേണ്ടിവന്നതിനു ശേഷം നടന്ന ടീം മീറ്റിങ്ങില്‍ രവി ശാസ്ത്രി ധോണിക്കെതിരെ പരസ്യമായി പൊട്ടിത്തെറിക്കുകയായിരുന്നു.
സാങ്കേതിക തികവുള്ള രഹാനയെ പരസ്യമായി അധിക്ഷേപ്പിച്ച് ടീമിന് പുറത്തുനിറുത്തിയ ധോണിയുടെ നടപടി ഒരിക്കലും ന്യായീകരിക്കാന്‍ കഴിയില്ലെന്നും ഇത്തരം ഏകാധിപത്യ തീരുമാനങ്ങളുമായാണ് മുന്നോട്ടുപോകുന്നതെങ്കില്‍ ഒരു നിമിഷംപോലും ടീമിനൊടൊപ്പം തുടരാന്‍ താല്‍പര്യമില്ലെന്നുവരെ ശാസ്ത്രി തുറന്നടിച്ചു. തുടര്‍ന്ന് സംസാരിച്ച കോഹ്ലിയും രഹാനക്കായി നിലകൊണ്ടു. അപ്പോഴും തന്റെ നിലപാടില്‍ നിന്ന് പിന്മാറാന്‍ ധോണി തയ്യാറായിരുന്നില്ല. തുടര്‍ന്ന് മീറ്റിങ്ങില്‍ താരങ്ങള്‍ തമ്മില്‍ ശക്തമായ വാഗ്‌വാദം നടന്നതായാണ് റിപ്പോര്‍ട്ടുകള്‍. ഇതിന്റെ പ്രതിഫലനമാണ് ധോണിക്ക് വേണ്ടി മരിക്കാന്‍ പോലും തയാറാണെന്ന് അശ്വിനും റെയ്‌നയും വാര്‍ത്താസമ്മേളത്തില്‍ പറഞ്ഞത്. ക്യാപ്ടനു പിന്നില്‍ ഒത്തൊരുമയോടെ അണിനിരക്കണമെന്നും ഛിന്നഭിന്നമായാല്‍ യുദ്ധമുഖത്ത് വെടികൊണ്ട് വീഴുമെന്നും ഇവര്‍ പറഞ്ഞത് ഭാവി ക്യാപ്ടന്‍ കോഹ്ലിക്കും രഹാനെ, ധവാന്‍, ഉമേഷ് യാദവ് തുടങ്ങിയ സംഖ്യത്തോടുമായിരുന്നു. ടീമിലെ ഈ ഭിന്നതയാണ് കോഹ്ലിയും അദ്ദേഹത്തിന്റെ കോച്ചും പരസ്യമായി അംഗീകരിച്ചതും.

കോഹ്ലിയുടെ സില്‍ബന്ധിയായി രഹാനെ വളരുന്നുണ്ടെന്ന തോന്നലാണ് ധോണിയെ രഹാനക്കെതിരായി തിരിയാന്‍ പ്രേരിപ്പിച്ചതെന്നാണ് രഹാനെയുടെ പേഴ്‌സണല്‍ കോച്ചും മുന്‍ ഇന്ത്യന്‍ താരവുമായ പ്രവീണ്‍ ആംറെ പറയുന്നത്. ഇന്ത്യന്‍ ഉപഭൂഖണ്ഡത്തിലെ സ്ലോ പിച്ചുകളില്‍ രഹാനയുടെ ബാറ്റിംങ് ശരാശരി കണക്കാക്കുമ്പോള്‍ ധോണി പറഞ്ഞ ന്യായങ്ങളില്‍ യാതൊരു കഴമ്പുമില്ലെന്ന് മനസ്സിലാക്കും. ഐ.പി.എല്ലില്‍ രഹാനെ വാരിക്കൂട്ടിയ റണ്ണുകള്‍ ഈ സ്ലോ പിച്ചുകളില്‍ നിന്നാണ്. കഴിഞ്ഞ ലോകകപ്പില്‍ പോലും രഹാനെ മികച്ച ഫോം നിലനിറുത്തിയിരുന്നു. എന്നിട്ടും ഫോം ഔട്ടായ രവീന്ദ്ര ജഡേജക്കും റെയ്‌നക്കും നല്‍കിയ പരിഗണനപോലും രഹാനക്ക് നല്‍കിയില്ലെന്നും ആംറെ കുറ്റപ്പെടുത്തുന്നു.

ഈ ഘട്ടത്തിലാണ് സച്ചിന്‍, ദ്രാവിഡ്, ഗാംഗുലി, രവി ശാസ്ത്രി, അനില്‍ കുംബ്ലെ എന്നിവരടങ്ങുന്ന പ്രമുഖ നേതൃനിര ബി.സി.സി.ഐ സെക്രട്ടറി അനുരാഗ് ഠാക്കൂറിനെ കാണുന്നതും താരങ്ങളുടെ പരസ്യപ്രസ്താവന നിയന്ത്രിക്കണമെന്നും ടീം സെലക്ഷന്‍ സുതാര്യമാകണമെന്ന് വാദിച്ചതും. ഇതേ തുടര്‍ന്ന് അനുരാഗ് സന്ദീപ് പാട്ടീലുമായി ചര്‍ച്ച നടത്തുകയും ഫോമിലല്ലാത്ത റെയ്‌നയെ വിശ്രമത്തിന്റെ പേരില്‍ ടീമില്‍ നിന്ന് ഒഴിവാക്കുകയും ഒപ്പം സച്ചിന്റെ നിര്‍ദേശാനുസരണം ഒരാഴ്ചക്ക് മുമ്പ് ടീമില്‍ നിന്ന് പുറത്താക്കപ്പെട്ട രഹാനയെ പുതിയ ക്യാപ്ടനായി അവരോധിക്കുകയും ബംഗ്ലാദേശുമായുള്ള ടെസ്റ്റ് പരമ്പരയില്‍ മികച്ച പ്രകടനം നടത്തിയ ഹര്‍ഭജന്‍സിംഗിനെയും ടീമില്‍ ഉള്‍പ്പെടുത്തുന്നതും.

Cricket

ബിജെപിയിൽ കായിക താരങ്ങളുടെ ഒഴുക്ക്…

Published

on

ന്യുഡൽഹി : ബിജെപിയില്‍ ചേര്‍ന്ന മുന്‍ ക്രിക്കറ്റ് താരം ഗൗതം ഗംഭീര്‍ ഡല്‍ഹിയില്‍ മത്സരിച്ചേക്കും . ഡല്‍ഹിയിലെ പാര്‍ട്ടി ആസ്ഥാനത്ത് നടന്ന ചടങ്ങില്‍ കേന്ദ്രമന്ത്രി അരുണ്‍ ജെയ്റ്റ്‌ലിയില്‍ നിന്നാണ് ഗംഭീര്‍ ബിജെപി അംഗത്വം സ്വീകരിച്ചത്. കേന്ദ്രമന്ത്രി രവിശങ്കര്‍ പ്രസാദും ചടങ്ങില്‍ പങ്കെടുത്തു.പ്രധാനമന്ത്രി നരേന്ദ്രമോദിയുടെ ആശയങ്ങളും കാഴ്ചപ്പാടുമാണ് തന്നെ ബിജെപി യിലേക്ക് ആകര്‍ഷിച്ചതെന്ന് അംഗത്വം സ്വീകരിച്ച ശേഷം ഗൗതം ഗംഭീര്‍ മാധ്യമങ്ങളോട് പറഞ്ഞു.

നേരത്തെ മുതല്‍ ബിജെപിക്കൊപ്പം തെരഞ്ഞെടുപ്പ് പ്രചരണങ്ങളില്‍ പങ്കെടുത്തിരുന്ന ഗംഭീര്‍ ഇപ്പോഴാണ് സജീവ രാഷ്ട്രീയത്തിലേക്കെത്തുന്നത്. പുല്‍വാമ ഭീകരാക്രമണവിഷയത്തില്‍ സോഷ്യല്‍ മീഡിയയില്‍ പാക്കിസ്ഥാനെതിരെ രൂക്ഷ വിമര്‍ശനവുമായി ഗൗതം ഗംഭീര്‍ രംഗത്തെത്തിയിരുന്നു.ലോക്‌സഭാ തെരഞ്ഞെടുപ്പില്‍ ഡല്‍ഹിയില്‍ ബിജെപി സ്ഥാനാര്‍ത്ഥിയായി ഗംഭീര്‍ മത്സരിച്ചേക്കുമെന്നും വാര്‍ത്തകളുണ്ട്. ന്യൂഡല്‍ഹി ലോക്സഭാ സീറ്റിലേക്കാണ് ഗംഭീറിന്റെ പേര് പരിഗണിക്കുന്നത്.

Continue Reading

Cricket

ന്യൂസിലൻഡിലും ഇന്ത്യൻ പടയോട്ടം: ഇന്ത്യ വിജയിച്ചത് ഏഴു വിക്കറ്റ് ബാക്കി നിൽക്കെ; ഷമിയും പാണ്ഡ്യയും എറിഞ്ഞിട്ടും കോഹ്ലിയും രോഹിത്തും അടിച്ചെടുത്തു

Published

on

സ്‌പോട്‌സ് ഡെസ്‌ക്

ബേ ഓവൽ: ന്യൂസിലൻഡിനെതിരായ മൂന്നാം ഏകദിനത്തിൽ വിജയവും ഇന്ത്യയ്ക്ക് പരമ്പരയും.  ന്യൂസീലൻഡ് ഉയർത്തിയ 244 റൺസ് വിജയലക്ഷ്യം ഇന്ത്യ 43 ഓവറിൽ മൂന്ന് വിക്കറ്റ് നഷ്ടപ്പെടുത്തി മറികടന്നു. അഞ്ച് ഏകദിനങ്ങളുടെ പരമ്പരയിൽ ആദ്യ രണ്ട് മത്സരവും ഇന്ത്യ വിജയിച്ചതോടെ പരമ്പര ഇന്ത്യയ്ക്ക് സ്വന്തമായി.
ടോസ് നേടിയ ന്യൂസിലൻഡ് ക്യാപ്റ്റൻ കെയിൻ വില്യംസൺ ബാറ്റിംഗ് തിരഞ്ഞെടുക്കുകയായിരുന്നു. സ്‌കോർ പത്തിൽ എത്തിയപ്പോൾ ഒൻപത് പത്തിൽ ഏഴ് റണ്ണെടുത്ത മുൺറോയെ രോഹിത് ശർമ്മയുടെ കയ്യിലെത്തിച്ചു. 26 ൽ മാർട്ടിൻ ഗപ്റ്റിലിനെ (15 പന്തിൽ 13) വിക്കറ്റ് കീപ്പർ ദിനേശ് കാർത്തിക്കിന്റെ കയ്യിൽ  ഭുവനേശ്വർ കുമാർ എത്തിച്ചു. 59 ൽ കെയിൽ വില്യംസണിനെ (48 പന്തിൽ 28) പാണ്ഡ്യയുടെ കയ്യിൽ എത്തിച്ച് ചഹൽ ഇന്ത്യയ്ക്ക് അനുകൂലമാക്കി കാര്യങ്ങൾ. എന്നാൽ, ലാത്തവും ടെയ്‌ലറും ഒത്തു ചേർന്നതോടെ അപകടമുഖത്തു നിന്നും ന്യൂസിലൻഡ് പതിയെ കരകയറി. സ്‌കോർ ബോർഡിൽ 178 എത്തും വരെ ആ സഖ്യം ഇന്ത്യയെ കരകയറ്റി. 37 -ാം ഓവറിൽ ലാതത്തിന്റെ പ്രതിരോധം തകർത്ത് ചഹൽ പന്ത് റായിഡുവിന്റെ കയ്യിൽ എത്തിച്ചതോടെ ആ കൂട്ടുകെട്ടും പൊളിഞ്ഞു. 64 പന്തിൽ 51 റണ്ണായിരുന്നു ലാതത്തിന്റെ സമ്പാദ്യം. 191 ൽ നിക്കോളാസിനെയും (എട്ട് പന്തിൽ ആറ്) , 198 ൽ സാന്ററെയും (ഒൻപത് പന്തിൽ മൂന്ന്) തുടർച്ചയായി മടക്കി ഹർദിക് പാണ്ഡ്യ ഇന്ത്യയെ നിർണ്ണായകമായ ട്രാക്കിൽ എത്തിച്ചു. 106 പന്തിൽ 93 റണ്ണുമായി നിർണ്ണായകമായ സ്‌കോറിലേയ്ക്ക് ന്യൂസിലൻഡിനെ എത്തിച്ച ടെയ്‌ലറെ മുഹമ്മദ് ഷമി ദിനേശ് കാർത്തിക്കിന്റെ കൈകളിൽ എത്തിച്ചു. അപ്പോഴേയ്ക്കും സ്‌കോർ 222 ൽ എത്തിയിരുന്നു. 239 ൽ സൗത്തിയെ (12 പന്തിൽ 12) ക്യാപ്റ്റന്റെ കയ്യിൽ ഷമി എത്തിച്ചപ്പോൾ, കോഹ്ലിയുടെ നേരിട്ടുള്ള ഏറിൽ ബ്രൗസ് വെല്ലിന്റെ വിക്കറ്റ് തെറിച്ചു. റണ്ണൗട്ടായി ബ്രൗസ് വെൽ മടങ്ങുമ്പോൾ 18 പന്തിൽ പതിനഞ്ച് റണ്ണെടുത്തിരുന്നു. അവസാനക്കാരനായ ട്രെൻഡ് ബോൾട്ടിനെ ഭുവനേശ്വർ കുമാർ മുഹമ്മദ് ഷമിയുടെ കയ്യിൽ എത്തിച്ചതോടെ ന്യൂസിലൻഡ് ഇന്നിംഗ്‌സിന് തിരശീല വീണു.
കിവീസിനെ മൂന്ന് വിക്കറ്റ് വീഴ്ത്തിയ ഷമിയും രണ്ടുവീതം പേരെ പുറത്താക്കിയ പാണ്ഡ്യയും ചാഹലും ഭുവിയുമാണ് തകർത്തത്. രണ്ട് വിക്കറ്റും തകർപ്പൻ ക്യാച്ചുമായി ഹർദിക് പാണ്ഡ്യ തിരിച്ചുവരവ് ഗംഭീരമാക്കി. 59 റൺസിന് മൂന്ന് വിക്കറ്റ് നഷ്ടമായ കിവീസിനെ നാലാം വിക്കറ്റിൽ 119 റൺസ് കൂട്ടിച്ചേർത്ത ടെയ്ലർ- ലഥാം സഖ്യമാണ് കരകയറ്റിയത്. എന്നാൽ വാലറ്റത്തെ ഷമിയും ഭുവിയും ചുരുട്ടിക്കെട്ടിയതോടെ കിവീസ് ഇന്നിംഗ്‌സ് 243ൽ അവസാനിച്ചു.
മറുപടി ബാറ്റിംഗിൽ തുടക്കത്തിലെ ധവാനെ(28) ഇന്ത്യക്ക് നഷ്ടമായിരുന്നു. ഒമ്പതാം ഓവറിൽ ബോൾട്ടിൻറെ പന്തിൽ സ്ലിപ്പിൽ ടെയ്ലർ പിടിച്ചാണ് ധവാൻ പുറത്തായത്. എന്നാൽ രണ്ടാം വിക്കറ്റിൽ രോഹിത്- കോലി സഖ്യം 113 റൺസ് കൂട്ടിച്ചേർത്തപ്പോൾ ഇന്ത്യ ജീവൻ വീണ്ടെടുത്തു. രോഹിതിനെ 29-ാം ഓവറിൽ 62ൽ നിൽക്കേ സാൻറ്‌നർ ലഥാമിൻറെ കൈകളിൽ എത്തിച്ചപ്പോൾ കോലിയെ(60), 32ാം ഓവറിൽ ബോൾട്ട് പുറത്താക്കി. ഇതോടെ ഇന്ത്യ  മൂന്നിന് 168.
അനായാസമെന്ന് തോന്നുന്ന വിജയത്തിലേക്ക് കാര്യമായ സാഹസികത കാട്ടേണ്ട ആവശ്യം ക്രീസിലൊന്നിച്ച അമ്പാട്ടി റായുഡുവും ദിനേശ് കാർത്തിക്കിനും ഉണ്ടായിരുന്നില്ല. കാർത്തിക് 38 റൺസുമായും റായുഡു 40 റൺസുമെടുത്ത് പുറത്താകാതെ നിന്നു. ഇതോടെ 42 പന്തുകൾ ബാക്കിനിൽക്കേ നീലപ്പട ജയത്തിലെത്തി. കിവികൾക്കായി ബോൾട്ട് രണ്ടും സാൻറ്നർ ഒരു വിക്കറ്റും വീഴ്ത്തി.

Continue Reading

Cricket

ന്യൂസിഡലൻഡിലും കോഹ്ലിപ്പടയോട്ടം: കങ്കാരുക്കൾക്കു പിന്നാലെ കിവിക്കൂട്ടവും കരിഞ്ഞു വീണു; വിദേശത്ത് ഇന്ത്യയ്ക്ക് തുടർച്ചയായ രണ്ടാം പരമ്പരയും ചരിത്രവും

Published

on

സ്‌പോട്‌സ് ഡെസ്‌ക്

ബേഓവൽ: ലോകകപ്പിനു മുന്നോടിയായി മിന്നും തുടക്കവുമായി ഇന്ത്യൻ പടയാളികളുടെ പടയോട്ടം. ബാറ്റിംഗിലും ബൗളിംഗിലും ഒരു മുഴം മുന്നിൽ നിന്ന ഇന്ത്യൻ കടുവകൾ കിവീസിനെ അരിഞ്ഞു തള്ളി. കിവീസിലെ മൂന്ന് മത്സരങ്ങളുടെ പരമ്പരയിൽ ആദ്യ രണ്ടും വിജയിച്ച ഇന്ത്യൻ ടീം പരമ്പരയും സ്വന്തം പേരിൽ കുറിച്ചു. 90 റണ്ണിനാണ് രണ്ടാം ഏകദിനത്തിലെ ഇന്ത്യയുടെ ഉജ്വല വിജയം.
കിവികളുട നാട്ടിൽ ഇന്ത്യനേടുന്ന ഏറ്റവും ഉയർന്ന മാർജിൻ ജയമായി ഇത്. 2009ൽ ഹാമിൽട്ടണിൽ നേടിയ 84 റൺസ് ജയമായിരുന്നു ഇന്ത്യയുടെ ഇതിന് മുമ്പത്തെ ഏറ്റവും വലിയ ജയം.
ബാറ്റിങിൽ രോഹിതും ശിഖർ ധവാനും വിരാടും ധോണിയും തിളങ്ങിയപ്പോൾ ബോളിങിൽ യാദവിന്റെ മികച്ച പ്രകടനവുമാണ് വൻ മാർജിനുള്ള ജയം ഇന്ത്യയ്ക്ക് നേടിക്കൊടുത്തത്.
നാല് വിക്കറ്റ് വീഴ്ത്തിയ കുൽദീപായിരുന്നു ഇന്ത്യയുടെ തുറുപ്പ് ചീട്ട്. ഇന്ത്യ മുന്നോട്ട് വെച്ച 325 റൺസ് വിജയലക്ഷ്യത്തിലേക്ക് പതർച്ചയോടെ ആയിരുന്നു ന്യുസീലൻഡിന്റെ തുടക്കം, ഓപ്പണർ മാർട്ടിൻ ഗുപ്റ്റിൽ കാര്യമായ സംഭവാന നൽകാതെ ഇത്തവണയും മടങ്ങി. ഭുവനേശ്വറിനാണ് വിക്കറ്റ്.
രോഹിത് 87 റൺസും ധവാൻ 66 ഉം റൺസെടുത്ത് മികച്ച സ്‌കോർ ഉയർത്തിയപ്പോൾ നാല് വിക്കറ്റ് വീഴ്ത്തി കുൽദീപ് യാദവ് കിവീസ് സ്‌കോർ 234 റൺസിൽ ഒതുക്കി.

Continue Reading
Entertainment2 hours ago

ശരീരഭാഗം ഓപ്പറേഷൻ നടത്തി സൗന്ദര്യമുള്ളതാക്കാൻ നിർദ്ദേശം: അവഗണിച്ച നടിക്ക് ചാൻസ് നഷ്ടപ്പെട്ടു

Kerala3 hours ago

വീഴാൻ പോകുന്നതായി അഭിനയിച്ച് നെഞ്ചത്ത് കൈവച്ചു..!! കല്ലട ബസിലെ ദുരനുഭവം വിവരിച്ച് യുവതി

Kerala4 hours ago

എട്ട് ജില്ലകളില്‍ യെല്ലോ അലര്‍ട്ട്..!! സംസ്ഥാനത്തെ വലയ്ക്കാന്‍ ചുഴലിക്കാറ്റ്

Crime4 hours ago

കോടതി മുറിക്കുള്ളില്‍ വധഭീഷണി…!! കെവിന്‍ വധക്കേസ് പ്രതികള്‍ക്കെതിരെ കേസെടുക്കാന്‍ കോടതി

Kerala8 hours ago

കേരളത്തില്‍ എല്‍.ഡി.എഫ് 18 സീറ്റില്‍ വിജയിക്കും;ബിജെപി അക്കൗണ്ട് തുറക്കില്ലെന്നും കോടിയേരി

International12 hours ago

ശ്രീലങ്കന്‍ സ്‌ഫോടനം: സ്ത്രീകളടക്കം ആറുപേരുടെ ചിത്രങ്ങള്‍ പുറത്ത് വിട്ടു

Kerala12 hours ago

രാഹുൽ ഗാന്ധിയുടെ ഭക്ഷണം പരിശോധിക്കാനെത്തി; പോലീസുകാരനെതിരെ നടപടി

Kerala12 hours ago

കെവിന്‍ വധക്കേസില്‍ ഇന്ന് നിര്‍ണ്ണായക ദിവസം; സാക്ഷി പറയാന്‍ നീനു കോടതിയില്‍

International12 hours ago

ശ്രീലങ്കയില്‍ സ്‌ഫോടനം നടത്തിയവര്‍ക്ക് ഇന്ത്യയിലും അനുയായികള്‍..? സൂത്രധാരന്റെ അച്ഛനും പിടിയില്‍

Entertainment13 hours ago

ചെറിയ പ്രായം, നല്ല ശമ്പളം കല്യാണം കഴിക്കാന്‍ തീരുമാനിച്ചു: ജീവിതത്തെക്കുറിച്ച് ലന തുറന്ന് പറയുന്നു

National4 weeks ago

നരേന്ദ്ര മോദിയെ വരാണസിയില്‍ നേരിടാന്‍ പ്രിയങ്ക..!! പ്രതിപക്ഷ ഐക്യസ്ഥാനാര്‍ത്ഥി ആയാല്‍ ഫലം പ്രവചനാതീതം

National2 days ago

ചാവേറുകള്‍ കോടീശ്വരന്മാര്‍..!! പോലീസെത്തിയപ്പോൾ ഭാര്യയും പൊട്ടിത്തെറിച്ചു; ശ്രീലങ്കന്‍ ആക്രമണത്തിന്റെ ചുരുളഴിയുന്നു

International12 hours ago

ശ്രീലങ്കന്‍ സ്‌ഫോടനം: സ്ത്രീകളടക്കം ആറുപേരുടെ ചിത്രങ്ങള്‍ പുറത്ത് വിട്ടു

International2 days ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

Kerala1 day ago

തരൂരിന് അരലക്ഷം ഭൂരിപക്ഷമെന്ന് ഇന്റലിജന്‍സ് റിപ്പോര്‍ട്ട്…!! വടകരയിലെ സ്ഥിതി ഇരുമുന്നണികള്‍ക്കും ആശങ്കയുണര്‍ത്തുന്നത്

Kerala1 day ago

കെ സുരേന്ദ്രന് 27,000 വോട്ടിന്റെ ഭൂരിപക്ഷം..!! ഉയര്‍ന്ന വോട്ടിംഗ് ശതമാനത്തില്‍ മുന്നണികള്‍ കണക്കെടുക്കുമ്പോള്‍

Kerala12 hours ago

രാഹുൽ ഗാന്ധിയുടെ ഭക്ഷണം പരിശോധിക്കാനെത്തി; പോലീസുകാരനെതിരെ നടപടി

Entertainment13 hours ago

ചെറിയ പ്രായം, നല്ല ശമ്പളം കല്യാണം കഴിക്കാന്‍ തീരുമാനിച്ചു: ജീവിതത്തെക്കുറിച്ച് ലന തുറന്ന് പറയുന്നു

Kerala2 days ago

കുമ്മനം രാജശേഖരനെതിരെ പിന്നാക്ക ന്യൂനപക്ഷ വോട്ടുകള്‍ ഏകീകരിച്ചെന്ന് നിരീക്ഷകര്‍..!! പത്തനംതിട്ടയിലും പ്രവചനാതീതം

Kerala2 days ago

നികുതിയായി നല്‍കാനുള്ളത് 15 കോടി…!! ബസുകളില്‍ നിരവധി ക്രമക്കേടുകള്‍; അനധികൃത കടത്തും പിടിച്ചു

Trending

Copyright © 2019 Dailyindianherald