പത്താം വയസ്സില്‍ പത്താം ക്ലാസ്, 17 വയസ്സിനുള്ളില്‍ എന്‍ജിനീയറിങ് ബിരുദം

പത്താം വയസ്സില്‍ പത്താം ക്ലാസിന്റെ കടമ്പ കടന്നു. പന്ത്രണ്ടു വയസ്സില്‍ പ്ലസ്ടുവും കടന്ന് നേരെ എന്‍ജിനീയറിങ് കോളജിലേക്ക്. അവിടെ നിന്ന് 16ാം വയസ്സില്‍ ഗോള്‍ഡ് മെഡലോടെ ഇലക്ട്രിക്കല്‍ എന്‍ജിനീയറിങ് ബിരുദം. ചെറുപ്പം തൊട്ട് വീട്ടുകാര്‍ക്കും നാട്ടുകാര്‍ക്കും വണ്ടര്‍ കിഡായ സംഹിത കസിഭട്ട ഏറ്റവുമൊടുവില്‍ ഞെട്ടിച്ചിരിക്കുന്നത് ക്യാറ്റ് പരീക്ഷാ ഫലത്തിലാണ്. 17ാം വയസ്സില്‍ ക്യാറ്റ് പരീക്ഷ വിജയിച്ച് ക്യാറ്റ് പരീക്ഷ ജയിക്കുന്ന ഏറ്റവും പ്രായം കുറഞ്ഞ വ്യക്തിയായി മാറിയിരിക്കുകയാണ് ഈ തെലങ്കാനക്കാരി പെണ്‍പുലി.

തന്റെ ആദ്യ ശ്രമത്തില്‍ 95.95 ശതമാനം മാര്‍ക്കോടെയാണ് സംഹിത ക്യാറ്റ് പരീക്ഷ വിജയിച്ചത്. മൂന്നാം വയസ്സില്‍ സാധാരണ കുട്ടികള്‍ വാക്കുകള്‍ കൂട്ടിച്ചൊല്ലാന്‍ പഠിക്കുന്നതേ ഉണ്ടാവുകയുള്ളൂ. എന്നാല്‍ ആ പ്രായത്തില്‍ സംഹിത ഭൂപടത്തിലെ രാജ്യങ്ങളുടെ തലസ്ഥാനങ്ങള്‍ മനപ്പാഠം പഠിച്ച് അവയുടെ കൊടികള്‍ തിരിച്ചറിയാന്‍ തുടങ്ങി. അഞ്ചു വയസ്സായപ്പോഴേക്കും പടം വരയ്ക്കാനും ലേഖനങ്ങള്‍ എഴുതാനും ആരംഭിച്ചു. സൗരയൂധത്തെ കുറിച്ചു സംഹിത എഴുതിയ ലേഖനത്തിനു മുന്‍ രാഷ്ട്രപതി ഡോ. എ.പി.ജെ. അബ്ദുല്‍ കലാമിന്റെ അടക്കം അഭിനന്ദനങ്ങള്‍ ലഭിച്ചു.

ഇന്ത്യന്‍ സമ്പദ്‌വ്യവസ്ഥയെ കുറിച്ചെഴുതിയ ലേഖനത്തിനു കയ്യടികള്‍ ലഭിച്ചതാകട്ടെ ലോകം കണ്ട മികച്ച സാമ്പത്തികശാസ്ത്രജ്ഞന്‍ കൂടിയായ മുന്‍ പ്രധാനമന്ത്രി ഡോ. മന്‍മോഹന്‍ സിങ്ങില്‍ നിന്ന്. പത്താം വയസ്സില്‍ 8.8 ഗ്രേഡ് പോയിന്റുകളോടെയാണു സംഹിത പത്താം ക്ലാസ് പാസ്സായത്. കണക്കിനും സയന്‍സിനും 10ഗ്രേഡ് പോയിന്റ്ും ലഭിച്ചു. ഫിസിക്‌സ്, കെമിസ്ട്രി, മാത്‌സ് സ്ട്രീമില്‍ 88.6 ശതമാനം മാര്‍ക്കോടെ പ്ലസ് ടു വിജയിക്കുമ്പോള്‍ പ്രായം 12. ആ പ്രായത്തിലുള്ളവര്‍ക്ക് എന്‍ജിനീയറിങ്ങ് കോളജ് അഡ്മിഷന്‍ സാധ്യമായിരുന്നില്ല.

എന്നാല്‍ സംഹിതയുടെ പഠനശേഷിക്കു മുന്നില്‍ നിയമങ്ങള്‍ വഴിമാറി. 16ാം വയസ്സില്‍ ഇലക്ട്രിക്കല്‍ എന്‍ജിനീയറിങ് കോഴ്‌സ് പൂര്‍ത്തീകരിക്കുന്ന ഏറ്റവും പ്രായം കുറഞ്ഞ ഇന്ത്യക്കാരിയായി. സ്വര്‍ണ്ണ മെഡലും അവസാന സെമസ്റ്ററിലെ 9.5 സിജിപിഎ വിജയവുമായാണു സംഹിത കോളജ് വിട്ടത്. ഫിനാന്‍സില്‍ എംബിഎ ആണു സംഹിതയുടെ അടുത്ത ലക്ഷ്യം. മുന്‍ ആര്‍ബിഎ ഗവര്‍ണര്‍ ഡോ. രഘുറാം രാജനാണ് സംഹിതയുടെ റോള്‍ മോഡല്‍.

പച്ചക്കറിയും ചോറുമല്ലാതെ മറ്റൊന്നും കഴിക്കാന്‍ പാടില്ല; കഴിച്ചാല്‍ മരണം ഉറപ്പ്; അപൂര്‍വ്വ രോഗത്തിനുടമ ഈ യുവതി   ആണ്‍കുട്ടിയല്ല, ഇതൊരു പെണ്‍കുട്ടിയാണ്; ഈ ഗിന്നസ് റെക്കോര്‍ഡുകാരി വിവാഹിതയായിരിക്കുകയാണ്   പീഡിപ്പിക്കാന്‍ ശ്രമിച്ച സ്വാമിയുടെ ലിംഗം മുറിച്ചെടുത്ത പെണ്‍കുട്ടിയ്ക്ക് അഭിനന്ദനവുമായി പൊതുപ്രവര്‍ത്തകര്‍; മുറിച്ചെടുത്തവ സൂക്ഷിച്ച് വച്ച് പ്രദര്‍ശിപ്പിക്കണം ബ്രാ ഊരി മാറ്റി!..അടിവസ്ത്രം വരെ അഴിച്ച് പരിശോധിച്ചു!! നീറ്റ് പരീക്ഷയ്ക്ക് എത്തിയ വിദ്യാര്‍ത്ഥിനിക്ക് നേരെ ക്രൂരത .ബ്രാ അടക്കം ഊരി മാറ്റിയ നിലയിലാണ് മകള്‍ ഹാളില്‍ നിന്ന് പുറത്തുവന്നതെന്ന് വിദ്യാര്‍ത്ഥിനിയുടെ അമ്മ ഫെയ്സ്ബുക് സുഹൃത്തിനൊപ്പം ഒളിച്ചോടിയ 13കാരിക്ക് പീഡനം; പെൺകുട്ടിയെ സുഹൃത്തുക്കൾക്കും കാഴ്ചവെച്ച യുവാവിനെ അറസ്റ്റ് ചെയ്തു
Latest
Widgets Magazine