മധ്യപ്രദേശിലെ ശിവപുരി ജില്ലയില്‍ മുസ്ലീം യുവതിയെ ശല്യപ്പെടുത്തിയെന്നാരോപിച്ച് ദളിത് യുവാക്കള്‍ക്ക് നേരെ ആക്രമണം. യുവാക്കളുടെ മുഖത്ത് അക്രമികള്‍ കരി പുരട്ടി. ചെരിപ്പുമാല അണിയിക്കുകയും യുവാക്കളെ തെരുവുകളിലൂടെ നടത്തുകയും ചെയ്തു. അതേസമയം യുവാക്കളെ കൊണ്ട് ചെളി തീറ്റിച്ചതായും റിപ്പോര്‍ട്ടില്‍ പറയുന്നു.
ജൂണ്‍ 30 ന് നടന്ന സംഭവത്തിന്റെ വീഡിയോ വൈറലായതോടെയാണ് വിവരം പുറത്തറിയുന്നത്. ഇന്ത്യന്‍ ശിക്ഷാ നിയമത്തിലെയും പട്ടികജാതി-പട്ടികവര്‍ഗ (അതിക്രമങ്ങള്‍ തടയല്‍) നിയമത്തിലെയും പ്രസക്ത വകുപ്പുകള്‍ പ്രകാരം കേസെടുത്ത് പൊലീസ്. സംഭവത്തില്‍ രണ്ട് സ്ത്രീകളടക്കം ഒരു മുസ്ലീം കുടുംബത്തിലെ ഏഴ് പേരെ അറസ്റ്റ് ചെയ്തു. യുവാക്കള്‍ ഗ്രാമത്തിലെ മുസ്ലീം പെണ്‍കുട്ടികളെ പീഡിപ്പിക്കാന്‍ ശ്രമിക്കുകയും, അത് ചിത്രീകരിക്കുകയും ചെയ്തതിനെ തുടര്‍ന്നാണ് മര്‍ദിച്ചതെന്ന് പ്രതികള്‍ പൊലീസിന് മൊഴി നല്‍കി.
Top