റോഡ് മുറിച്ച് കടക്കുന്നതിനിടെ അമിതവേഗതയില്‍ എത്തിയ ബൈക്കിടിച്ചു; അറുപതുകാരി മരിച്ചു

തിരുവല്ല: അമ്പലപ്പുഴ സംസ്ഥാനപാതയിലെ നെടുമ്പ്രം മണക്ക് ആശുപത്രി ജംഗ്ഷനില്‍ റോഡ് മുറിച്ച് കടക്കുന്നതിനിടെ അമിതവേഗതയില്‍ എത്തിയ ബൈക്കിടിച്ച് അറുപതുകാരി മരിച്ചു. ചാത്തങ്കരി ചെമ്പന്നില്‍ വീട്ടില്‍ ബേബിയുടെ ഭാര്യ തങ്കമണി ബേബി ( മറിയാമ്മ) ആണ് മരിച്ചത്.

റോഡ് മുറിച്ചുകടക്കുന്നതിനിടെ അമിത വേഗത്തില്‍ എത്തിയ നീരേറ്റുപ്പുറം സ്വദേശിയായ യുവാവ് ഓടിച്ചിരുന്ന ബൈക്ക് തങ്കമണിയെ ഇടിച്ച് തെറിപ്പിക്കുകയായിരുന്നു. അപകടത്തില്‍ ഗുരുതര പരിക്കേറ്റ തങ്കമണിയെ ആശുപത്രിയില്‍ എത്തിച്ചെങ്കിലും പിന്നീട് മരണം സംഭവിച്ചു. സംഭവത്തില്‍ പുളിക്കീഴ് പൊലീസ് കേസെടുത്തു