ഡബ്ലിൻ മലയാളി പ്രകാശ് കുമാർ നിര്യാതനായി.ജോണിച്ചേട്ടന് പിന്നാലെ ഐറീഷ് മലയാളികൾക്ക് ഷോക്കായി മറ്റൊരു മരണം !

ഡബ്ലിൻ : കണ്ണൂർ സ്വദേശിയായ അയർലണ്ടിൽ ബ്ലാഞ്ചസ്‌ടൗൺ ഹോളിസ്‌ടൗണിൽ താമസിക്കുന്ന കിഴക്കേക്കര ജോണി ജോസഫിന്റെ മരണവാർത്തയിൽ ഷോക്ക് മാറുന്നതിനു മുൻപേ ഐറീഷ് മലയാളികളെ ദുഖത്തിലാഴ്ത്ത് ഡബ്ലിനിൽ താമസിക്കുന്ന പാലക്കാട് തോളന്നൂർ പൂളക്കാപ്പറമ്പിൽ പ്രകാശ്കുമാർ നിര്യാതനായി. 54 വയസ്സായിരുന്നു. സ്ട്രോക്ക് വന്നതിനെ തുടർന്ന് ബ്യൂമൗണ്ട് ആശുപത്രിയിൽ ചികിത്സയിലിരിക്കെ ഇന്നലെയാണ് മരണം സ്ഥിരീകരിച്ചത്.

ഡബ്ലിൻ കാർപെന്റെഴ്സ് ടൗണിൽ താമസിക്കുന്ന പ്രകാശിന്റെ കുടുംബം ഒരു വർഷം മുമ്പാണ് അയർലൻഡിൽ എത്തിയത്. ANOVA നേഴ്സിങ് ഹോമിൽ കേറ്ററിംഗ് അസിസ്റ്റന്റ് ആയി ജോലി ചെയ്തു വരികയായിരുന്നു. ഭാര്യ ഷീബ ഡബ്ലിൻ ടെമ്പിൾ സ്ട്രീറ്റ് ആശുപത്രിയിലെ നഴ്സ് ആണ്. മാളവിക, മിഥുൻ എന്നിവരാണ് മക്കൾ. പ്രകാശിന്റെ സംസ്കാരം പിന്നീട് നാട്ടിൽ നടക്കും.