അയർലണ്ടിൽ കൊവിഡ് വകഭേദം ‘പിറോള’ സ്ഥിരീകരിച്ചു

അയര്‍ലണ്ടില്‍ ഒമൈക്രോണ്‍ സബ് വേരിയന്റ് BA.2.86 കണ്ടെത്തി. പിറോള എന്നറിയപ്പെടുന്ന ഈ വേരിയന്റിനെ ഓഗസ്റ്റില്‍ ലോകാരോഗ്യ സംഘടനയും പിന്നീട് യൂറോപ്യന്‍ സെന്റര്‍ ഫോര്‍ ഡിസീസ് കണ്‍ട്രോളും വേരിയന്റ് അണ്ടര്‍ മോണിറ്ററിംഗ് (VOM) ആയി പ്രഖ്യാപിച്ചിരുന്നു. പിറോളയുടെ തീവ്രതയും വ്യാപനശേഷിയും ഭയാനകമായി കാണുന്നില്ലെന്ന് HPSC പറഞ്ഞു.

ആഗസ്റ്റ് 13 നാണ് ഇസ്രായേലില്‍ ആദ്യമായി പിറോള റിപ്പോര്‍ട്ട് ചെയ്തത്. ഡെന്‍മാര്‍ക്ക്, യുകെ, യുഎസ്, ദക്ഷിണാഫ്രിക്ക എന്നിവിടങ്ങളില്‍ കേസുകള്‍ കണ്ടെത്തിയിട്ടുണ്ട്. എന്നാല്‍ ഇന്നുവരെയുള്ള വ്യാപനം കുറവാണെന്ന് എച്ച്പിഎസ്സി പറയുന്നു.