കൊച്ചി : ജാർഖണ്ഡിലെ ആദിവാസി മേഖലയിൽ ക്രൂരമായ പോലീസ് അടിച്ചമർത്തലിനെതിരെ സ്റ്റാൻ സ്വാമിയുടെ നേതൃത്വത്തിൽ നടത്തിയ മനുഷ്യാവകാശ പോരാട്ടങ്ങൾ അദ്ദേഹത്തിന്റെ മരണത്തോടെ അവസാനിക്കുന്നില്ലന്നും ആദിവാസി മുന്നേറ്റം രാജ്യത്ത് കൂടുതൽ ശക്തമാകുമെന്നും എൻ സി പി അദ്ധ്യക്ഷൻ പിസി ചാക്കോ പറഞ്ഞു.
ഭരണകൂട ഭീകരതയിൽ വേണ്ടെത്ര ചികിൽസ ലഭ്യമാകാതെ കഴിഞ്ഞ ദിവസം മരണമടഞ്ഞ ഫാ.സ്റ്റാൻ സ്വാമിയുടെ കൊച്ചിയിലെത്തിച്ച ചിതാഭസ്മത്തിൽ പുഷ്പാർച്ചന നടത്തിയ ശേഷം സംസാരിക്കുകയായിരുന്നു അദ്ദേഹം. നക്സലുകളെ നേരിടുന്നത് ആയുധങ്ങൾ കൊണ്ടായിരിക്കരുതെന്നും പിസി ചാക്കോ പറഞ്ഞു. എൻസിപി സംസ്ഥാന ജനറൽ സെക്രട്ടറി കെ.ആർ രാജൻ ഒപ്പമുണ്ടായിരുന്നു.
നേരത്തെ ചെന്നൈയിൽ എത്തിച്ച ഫാ സ്റ്റാൻ സ്വാമിയുടെ ചിതാഭസ്മത്തിൽ തമിഴ്‌നാട്ടിലെ അധികാരികൾ ആദരാഞ്ജലികൾ അർപ്പിച്ചിരുന്നു . തമിഴ്‌നാട് മുഖ്യമന്ത്രി എം കെ സ്റ്റാലിൻ തലോജ സെൻട്രൽ ജയിലിൽ നിന്ന് മാറ്റിയതിനെ തുടർന്ന് മുംബൈ ആശുപത്രിയിൽ വച്ച് അന്തരിച്ച ഫാ സ്റ്റാൻ സ്വാമിയുടെ ചിതാഭസ്മത്തിന് അന്ത്യാഞ്ജലി അർപ്പിച്ചു. മന്ത്രി പൊൻമുടി, പാർലമെന്റ് അംഗങ്ങളായ കനിമൊഴി, ധന്യനിധി മാരൻ, വിസികെ മേധാവി തോൽ തിരുമാവലവൻ എന്നിവരും ലയോള കോളേജിൽ നടന്ന ചടങ്ങിൽ പങ്കെടുത്തു.
ചെന്നൈ ലയോള കോളേജിൽ സ്ഥാപിച്ച പിതാവ് സ്റ്റാൻസ്വാമിയുടെ ഭൗതികാവശിഷ്ടങ്ങൾക്ക് മുന്നിൽ ഞാൻ പുഷ്പചക്രം അർപ്പിച്ചു. താഴെ തട്ടിലുള്ള ജനങ്ങളുടെ അവകാശങ്ങൾക്കായി ഫാ . സ്റ്റാൻ സ്വാമി തന്റെ ജീവിതകാലം മുഴുവൻ മരണം വരെ പോരാടിയതിനാൽ അദ്ദേഹത്തിന്റെ ജീവിതം പ്രശംസനീയമാണ് എന്നും സ്റ്റാലിൻ പറഞ്ഞു .
മുംബൈയിലെ ശവസംസ്കാരത്തിനുശേഷം, ഫാ സ്റ്റാൻ സ്വാമിയുടെ ചിതാഭസ്മം ലയോള കോളേജ് കാമ്പസിനുള്ളിലെ പള്ളിയിൽ പൊതുജനങ്ങൾക്ക് കാണാനായി വെച്ചപ്പോൾ ആദരാഞ്ജലികൾ അർപ്പിച്ചു. രാവിലെ പത്ത് മണിയോടെ വി സി കെ യ്ക്ക് വേണ്ടി ഞങ്ങൾ അദ്ദേഹത്തിന് പുഷ്പാർച്ചന നടത്തിഎന്നും തോൾ തിരുമാവളവനും ട്വീറ്റ് ചെയ്തു .
Top