തൊട്ടാൽ പൊള്ളും പെട്രോൾ വില! ജനത്തെ പെട്രോളിൽ വറുത്തെടുത്ത് എണ്ണക്കമ്പനികളും കേന്ദ്ര സർക്കാരും

ന്യൂഡൽഹി: കോവിഡിനെ തുടർന്ന് ജനം വലയുമ്പോൾ രാജ്യത്ത് വീണ്ടും പെട്രോൾവില വർദ്ധന. ഇ​ന്ന് പെ​ട്രോ​ളി​ന് 27 പൈ​സ​യും ഡീ​സ​ലി​ന് 30 പൈ​സ​യും വ​ര്‍​ദ്ധി​ച്ചു. ഇ​തോ​ടെ കൊ​ച്ചി​യി​ല്‍ പെ​ട്രോ​ള്‍ വി​ല 95 രൂപ 14 പൈസയും ഡീ​സ​ല്‍ വി​ല 90 രൂപ 55 പൈസയുമായി. തി​രു​വ​ന​ന്ത​പു​ര​ത്ത് പെ​ട്രോ​ള്‍ വി​ല 96 രൂപ 74 പൈസയിലേക്കെത്തി. ഡീ​സ​ല്‍ വി​ല 92 രൂപ 04 പൈസയായി.

കഴിഞ്ഞ ഒരു മാസത്തിനിടെ 27 ദിവസമാണ് രാജ്യത്ത് പെട്രോൾ വില വർധിച്ചത്. കേരളത്തിൽ ഇതോടെ നൂറിന് അടുത്തെത്തി പെട്രോൾ വില. പ്രീമിയം പെട്രോളിന് 99 രൂപയാണ് കോട്ടയത്തെ ഇന്നത്തെ വില.

ഈ രീതിയില്‍ വര്‍ദ്ധന തുടര്‍ന്നാല്‍ സം​സ്ഥാ​ന​ത്തും പെ​ട്രോ​ള്‍ വി​ല ഉ​ട​ന്‍ സെ​ഞ്ച്വ​റി​യ​ടി​ക്കും. കേ​ര​ള​മ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ നി​യ​മ​സ​ഭാ തി​ര​ഞ്ഞെ​ടു​പ്പ് ക​ഴി​ഞ്ഞ​തി​നു പി​ന്നാ​ലെ​യാ​ണ് രാ​ജ്യ​ത്തെ ഇ​ന്ധ​ന​വി​ല വീ​ണ്ടും ഉ​യ​ര്‍ന്നു തു​ട​ങ്ങി​യ​ത്.

ഇന്ധനവിലയിലെ തീവെട്ടിക്കൊള്ളക്കെതിരെ പ്രതിഷേധം ശക്തമാകുമ്പോഴും കേ​ന്ദ്ര സ​ര്‍​ക്കാ​ര്‍ മൗ​നം തുടരുകയാണ്.