മീ ടൂ ആരോപണം; ടാറ്റൂക്കാരനെതിരെ പൊലീസ് കേസെടുത്തു

നാല് യുവതികളുടെ പരാതിയിലാണ് കേസ്.
ഇയാള്‍ക്കെതിരെ കൂടുതല്‍ പരാതികള്‍ ഉയര്‍ന്നു വരുന്നുണ്ട്.

കഴിഞ്ഞ ദിവസം നിരവധി പെണ്‍കുട്ടികള്‍ സാമൂഹിക മാധ്യമങ്ങളിലൂടെ ആരോപണം ഉന്നയിച്ചിരുന്നു. ഇന്‍ഫെക്ക്റ്റഡ് ടാറ്റൂസ് ഉടമ സുജിഷിനെതിരെയാണ് പരാതി. ഇയാള്‍ക്കെതിരെ ബലാത്സംഗം, സ്ത്രീത്വത്തെ അപമാനിക്കല്‍ എന്നീ വകുപ്പുകളാണ് ചുമത്തിയത്. ഒളിവില്‍ പോയ ടാറ്റൂക്കാരന്‍ സുജീഷിനെ കണ്ടെത്താന്‍ പോലീസ് അന്വേഷണം ഊര്‍ജ്ജിതമാക്കി.