മാര്‍പാപ്പയുടെ അനുഗ്രഹത്തിനായാണ് ജര്‍മ്മനിയില്‍ നിന്നും അച്ഛനും അമ്മയ്ക്കുമൊപ്പം കാര്‍ ക്ലാപ്പര്‍ എന്ന ഏഴുമാസം പ്രായമുള്ള കുഞ്ഞ് വത്തിക്കാനിലെത്തിയത്. അനുഗ്രഹ ചടങ്ങ് നടക്കുന്നതിനിടെ കുഞ്ഞിന്റെ അടുത്തെത്തിയ മാര്‍പാപ്പ അവനെ തലയിലും മുഖത്തുമെല്ലാം കൈവച്ച് അനുഗ്രഹിച്ചു. എന്നാല്‍ പിന്നീടാണ് അപ്രതീക്ഷിതമായ സംഭവം നടന്നത്. തന്റെ കുഞ്ഞി പല്ലുകള്‍ കൊണ്ട് മാര്‍പാപ്പയെ അവനും അനുഗ്രഹിച്ചു. പൊട്ടി തുടങ്ങിയ കുഞ്ഞി പല്ലുകള്‍ കൊണ്ട് മാര്‍പാപ്പയെ അവന്‍ കടിച്ചു. കടിയില്‍ വാ പൊളിച്ച് നില്‍ക്കുന്ന മാര്‍പാപ്പയുടെ ചിത്രം സമൂഹമാധ്യമങ്ങളില്‍ വൈറലായിരിക്കുകയാണ്. ഇവന്റ് മാനേജറായ ജാന്‍ ഹെന്നിങ്‌സിന്റെയും ടീച്ചറായ കെസ്റ്റിന്റെയും പുത്രനാണ് ഈ കുസൃതിക്കുടുക്ക. ജര്‍മനിയില്‍ നിന്നാണ് ഇവര്‍ മാര്‍പാപ്പയുടെ അനുഗ്രഹം തേടി വത്തിക്കാനില്‍ എത്തിയത്. മകന് പോപ്പിനെ കടിച്ചപ്പോള്‍ മാതാപിതാക്കള്‍ തെല്ലൊന്ന് ആശങ്കപ്പെട്ടെങ്കിലും ഇപ്പോള്‍ മകന് മാര്‍പാപ്പയില്‍ നിന്ന് കിട്ടിയ അനുഗ്രഹത്തിന്റെ സന്തോഷത്തിലാണ് അവര്‍.
Top