സ്‌കൂള്‍ വിട്ട് പോകുകയായിരുന്ന അഞ്ച് വയസ്സുകാരനെ തെരുവുനായ മുഖം കടിച്ചുകീറി; ആറ് പേര്‍ക്ക് പരിക്ക്

തൃശൂര്‍: തെരുവുനായകളെ ഇനിയും സംരക്ഷിക്കണോയെന്ന് ഈ കുരുന്നിന്റെ അവസ്ഥ കണ്ട് പറയൂ. വയോധികയെ തെരുവുനായ്ക്കള്‍ കടിച്ചുകൊന്നതിനു പിന്നാലെ വീണ്ടും ആക്രമണം.

മാളയില്‍ സ്‌കൂള്‍ വിട്ട് വീട്ടിലേക്ക് പോയിരുന്ന വിദ്യാര്‍ത്ഥികള്‍ ഉള്‍പ്പടെ 6 പേര്‍ക്ക് തെരുവു നായയുടെ കടിയേറ്റു. 5 വയസുകാരനായ ആയുസിന്റെ മുഖത്ത് നിന്നും നായ മാംസം കടിച്ചെടുത്തു. പൊയ്യ കഴിഞ്ഞത്തുറ കൃഷ്ണന്‍ കോട്ട എന്നവിടങ്ങളിലാണ് ആക്രമണം ഉണ്ടായത്.

കഴിഞ്ഞത്തുറ സ്വദേശികളായ ജെഫിന്‍, അതുല്‍,ഗൗരി കൃഷ്ണന്‍കോട്ട സ്വദേശികളായ അന്ന, തോമസ് എന്നിവര്‍ക്കാണ് പരുക്കേറ്റത്. ഇവരെ തൃശ്ശൂര്‍ മെഡിക്കല്‍ കോളേജ് ആശിപത്രിയില്‍ പ്രവേശിപ്പിച്ചു. നായയെ നാട്ടുകാര്‍ തല്ലിക്കൊന്നു.