കൊച്ചി: ഏക സിവില്‍ കോഡ് നടപ്പാക്കുന്നതിനെതിരെ സംഘടിപ്പിക്കുന്ന പ്രക്ഷോഭ പരിപാടികളില്‍ മുസ്ലീം ലീഗിനെ ക്ഷണിച്ച സിപിഐഎം നടപടിയെ പരിഹസിച്ച് കെ പി സി സി അധ്യക്ഷന്‍ കെ സുധാകരന്‍. സമരത്തിന് ലീഗിനെ ക്ഷണിച്ച എം വി ഗോവിന്ദന് മറുപടിയില്ലെന്ന് പറഞ്ഞ സുധാകരന്‍ ഗോവിന്ദന് തലക്ക് സുഖമില്ലേ എന്നും ചോദിച്ചു. കേരളത്തില്‍ മുസ്ലീം ലീഗ് ഇടതു പക്ഷത്തിനൊപ്പമല്ല. ഏക സിവില്‍ കോഡ് വിഷയത്തിലെ തീരുമാനം അഖിലേന്ത്യ തലത്തില്‍ സ്വീകരിക്കുമെന്നും സുധാകരന്‍ പറഞ്ഞു.
കേരളത്തിന്റെ തലസ്ഥാനം തിരുവനന്തപുരത്തു നിന്ന് കൊച്ചിയിലേക്ക് മാറ്റണമെന്ന ഹൈബി ഈഡന്റെ ആവശ്യം വ്യക്തിപരമാണ്. എം പി എന്ന നിലയില്‍ അതിനുള്ള സ്വാതന്ത്ര്യം ഹൈബിക്കുണ്ട്. പാര്‍ട്ടിയുമായി ചര്‍ച്ച ചെയ്തില്ല എന്നത് സത്യമാണ്. അതില്‍ പ്രശ്‌നമില്ല. അത് ഹൈബിയുടെ വ്യക്തിപരമായ അഭിപ്രായമാണ്. പാര്‍ട്ടിക്ക് അങ്ങനെയൊരു നിലപാടില്ലെന്നും സുധാകരന്‍ പറഞ്ഞു.
Top