പൃഥ്വിരാജ്, മമ്മൂട്ടി ചിത്രങ്ങള്‍ തിയറ്ററിലെത്തുമ്പോള്‍ തകര്‍ക്കണമെന്ന് പറയുന്ന ദിലീപ് ഫാന്‍സിന്റെ വാട്‌സ്ആപ്പ് സന്ദേശങ്ങള്‍. ദിലീപ് ഫാന്‍സിന്റെ പേരിലാണ് സന്ദേശങ്ങള്‍ പ്രചരിച്ചത്. എന്നാല്‍, ഈ സന്ദേശവുമായി തങ്ങള്‍ക്ക് യാതൊരു ബന്ധവുമില്ലെന്ന് ദിലീപ് ഓണ്‍ലൈന്‍ വെളിപ്പെടുത്തി. ദിലീപിനെ തകര്‍ക്കാനുള്ള ശ്രമമാണിതെന്നും ദിലീപ് ഓണ്‍ലൈന്‍ പറയുന്നു. ദിലീപ് ഓണ്‍ലൈന്‍ പറയുന്നതിങ്ങനെ.. വ്യാജ അക്കൗണ്ടുകള്‍ വഴി ഫെയ്സ്ബുക്കിലും വാട്ട്സാപ്പ് ഗ്രൂപ്പുകളിലും സമീപ ദിവസങ്ങളിലായി പ്രചരിക്കുന്ന ഇതോടൊപ്പമുള്ള സ്‌ക്രീന്‍ ഷോട്ടുകളുടേയും ലക്ഷ്യം ദിലീപാണെന്ന് അരിഭക്ഷണം കഴിക്കുന്ന ആര്‍ക്കും മനസ്സിലാക്കാവുന്നതേ ഉള്ളു. പ്രേക്ഷകരും ദൈവവും അദ്ദേഹത്തോടൊപ്പമുള്ളപ്പോള്‍ ഇത്തരം വ്യാജനായാട്ടുകള്‍ വിലപ്പോവില്ലെന്ന് ഇത് പടച്ചുവിട്ട എല്ലാ നല്ല അവന്മാരോടും പറയട്ടെ. സ്വന്തം സിനിമ വിജയിക്കണമെങ്കില്‍ ഒരൊറ്റ വഴിയേ ഉള്ളൂ, സ്വന്തം സിനിമ നല്ലതാവണം അല്ലാതെ അസൂയയും കുശുമ്പും നെറികെട്ട മാര്‍ക്കറ്റിങ്ങും കൊണ്ട് ഇവിടെ ഒരു സിനിമയും വിജയിച്ചിട്ടില്ല. കൊതിക്കെറുവുള്ളവരോട് ഒരു പഴംചൊല്ല് പറയാം, നെല്ല് പത്തായത്തിലുണ്ടെങ്കില്‍ എലി വയനാട്ടില്‍ നിന്നുംവരും. ദിലീപിന്റെ കമ്മാര സംഭവം റിലീസിനു തയ്യാറായതിനാല്‍ ഇത് പോലെ നാണംകെട്ട പലതും ഇനിയും വരും എന്നും അതിനുപിന്നില്‍ സിനിമയിലെ ചില ഉന്നതര്‍ ഉണ്ടാവുമെന്നും അറിയിച്ചു കൊള്ളുന്നു.
Top