ഒരു കുഴപ്പവുമില്ലാതെ പൂര്‍ണഗര്‍ഭിണിയുടെ സാഹസിക പ്രകടനം. നടുക്കടലില്‍ സര്‍ഫിംഗ് നടത്തുന്ന യുവതിയുടെ വീഡിയോ വൈറലായി. 32 കാരിയായ കോല്‍ബി ഫാല്‍സിംഗ് എന്ന യുവതിയാണ് സര്‍ഫിംഗ് നടത്തിയത്.
സര്‍ഫിംഗ് കഴിഞ്ഞ് അഞ്ചുദിവസങ്ങള്‍ക്കു ശേഷം യുവതി ഒരു ആണ്‍കുഞ്ഞിന് ജന്മം നല്‍കുകയും ചെയ്തു. ഗര്‍ഭാവസ്ഥയിലുള്ള വ്യായാമത്തിന്റെ ഭാഗമായി തന്നെയാണ് സാഹസിക സര്‍ഫിംഗിനും യുവതി തുനിഞ്ഞത്. ഇന്‍സ്റ്റഗ്രാമില്‍ പോസ്റ്റ് ചെയ്ത വീഡിയോ ഇതിനകം വൈറലായിട്ടുണ്ട്.
കടലില്‍ കോല്‍ബി അനായാസം സര്‍ഫിംഗ് ചെയ്യുന്നത് വീഡിയോയില്‍ കാണാം. ഇത്തരത്തിലുള്ള വ്യായാമങ്ങള്‍ കുഞ്ഞിന്റെ ഭാരം ക്രമമാക്കുന്നതിനും, കൃത്യമായ ഡേറ്റിലുള്ള പ്രസവത്തിനും സഹായിക്കുന്നുവെന്ന് വിദ്ഗധര്‍ പറയുന്നു. ഡോക്ടറുടെ അനുവാദത്തോടെയായിരുന്നു കോല്‍ബി ഫാല്‍സിംഗിന്റെ സര്‍ഫിംഗ്. എന്നാല്‍ മറ്റുള്ളവര്‍ ഇതിനെ എതിര്‍ത്തിരുന്നു. ഗര്‍ഭിണിയായ സ്ത്രീകള്‍ എന്തു ചെയ്യുമ്പോഴും ആളുകള്‍ വിലക്കുന്നതിനാലാണ് താന്‍ ഈ സാഹസികത ചെയ്തതെന്ന് ഫാല്‍സിംഗ് പറയുന്നു.
ഗര്‍ഭിണികള്‍ എപ്പോഴും വീട്ടില്‍ അനങ്ങാതെ ഇരിക്കണമെന്നാണ് പറയുന്നത്, എന്നാല്‍ താന്‍ ഇത്തരം കാര്യങ്ങള്‍ക്ക് എതിരാണ്. ഗര്‍ഭിണികള്‍ക്കും എല്ലാ കാര്യങ്ങളും സാധാരണ പോലെ തന്നെ ചെയ്യാന്‍ സാധിക്കുമെന്നാണ് താന്‍ കരുതുന്നതെന്ന് ഫാല്‍സിംഗ് പറയുന്നു.
Top