അന്തരിച്ച വയലിനിസ്ററ് ബാലഭാസ്കറിന്റെ ഭാര്യ ലക്ഷ്മി പൂര്ണ ആരോഗ്യത്തോടെ ജീവിതത്തിലേയ്ക്ക് തിരിച്ചു വരുന്നു. മുറിവുകള് ഏറെക്കുറെ ഭേദമായ ലക്ഷ്മിയെ ആശുപത്രിയില് നിന്ന് ഡിസ്ചാര്ജ് ചെയ്തു. ഹൃദയം നുറുങ്ങുന്ന വേദനയോടെ ഭര്ത്താവിന്റേയും മകളുടേയും മരണമുള്ക്കൊണ്ട ലക്ഷ്മി തിരുവനന്തപുരത്തെ വീട്ടില് പ്രിയപ്പെട്ടവരുടെ കരുതല് കരങ്ങളിലാണ്. സംസാരിക്കാനും ഭക്ഷണം കഴിക്കാനുമൊക്കെ കഴിയുന്നുണ്ടിപ്പോള്. വലത് കാലിലെ പരുക്ക് കൂടി ഭേദമായാല് നന്നായി നടന്നു തുടങ്ങാം. ബാലഭാസ്കറിന്റെ മാതാപിതാക്കളുടേയും കൂട്ടുകാരുടേയും സ്നേഹത്തണലില് ദു:ഖങ്ങളൊളിപ്പിച്ച് ചിരിക്കാന് ശ്രമിക്കുകയാണവര്. അതിജീവനത്തിന്റെ വഴികളില് ഒരായുഷ്കാലത്തിന്റെ സ്നേഹം നിറഞ്ഞ ഓര്മ്മകളും ആ മാന്ത്രിക സംഗീതവും കൂട്ടിനുണ്ട്. ഒപ്പം ബാലുവിനേയും ജാനിയേയും അതിരറ്റു സ്നേഹിച്ച ആയിരങ്ങളുടെ പ്രാര്ഥനകളും.
ബാലഭാസ്കറിന്റെ ഭാര്യ ആശുപത്രി വിട്ടു
Tags: baalabhaskar