ജഡേജയുടെ ഭാര്യയ്ക്ക് നേരെ പൊലീസിന്റെ കയ്യേറ്റം; റീവയെ തള്ളിമാറ്റുകയും മുടിക്കുത്തില്‍ പിടിക്കുകയും ചെയ്തു

ജമ്‌നാനഗര്‍: ക്രിക്കറ്റ് താരം രവീന്ദ്ര ജഡേജയുടെ ഭാര്യ റീവ ജഡേജയുടെ നേരെ പൊലീസുകാരന്റെ കൈയ്യേറ്റശ്രമം. ഗുജറാത്തിലെ ജമ്‌നാനഗറില്‍ വച്ച് ഇവരുടെ കാറും പോലീസ് കോണ്‍സ്റ്റബിളിന്റെ ഇരുചക്രവാഹനവുമായി ചെറുതായി തട്ടി ഒരു അപകടമുണ്ടായിരുന്നു. ഇതാണ് കൈയ്യേറ്റത്തിന് കാരണം.

ഇതേത്തുടര്‍ന്ന് പോലീസുകാരന്‍ റീവയെ തള്ളിമാറ്റുകയും മുടിക്കുത്തില്‍ പിടിക്കുകയും ചെയ്തു. സംഭവം കണ്ടുകൊണ്ടിരുന്ന ആളുകള്‍ ചേര്‍ന്ന് ഇയാളെ പിടിച്ചുമാറ്റുകയായിരുന്നുവെന്ന് ദൃക്‌സാക്ഷി പറഞ്ഞു.