ആലപ്പുഴയിലെ ബി.ജെ.പി നേതാവിന്റെ കൊലപാതകം: പോപ്പുലർ ഫ്രണ്ട് പ്രവർത്തകരായ രണ്ടു പേർ കൂടി പിടിയിൽ

ആലപ്പുഴ: ബി.ജെ.പി – ആർ.എസ്.എസ് നേതാവ് രഞ്ജിത്ത് ശ്രീനിവാസ് വധക്കേസിൽ മുഖ്യസൂത്രധാരകരായ രണ്ട് പേർ പിടിയിൽ. പോപ്പുലർ ഫ്രണ്ട് പ്രവർത്തകരായ രണ്ടു പേരെയാണ് പൊലീസ് സംഘം പിടികൂടിയത്. ഒ ബി സി മോർച്ച സംസ്ഥാന സെക്രട്ടറിയായിരുന്ന രഞ്ജിത് ശ്രീനിവാസനെ വീടിനുള്ളിൽ കയറിയാണ് കൊലപ്പെടുത്തിയത്.

മുഖ്യസൂത്രധാരകരായ രണ്ട് എസ് ഡി പി ഐ പ്രവർത്തകരാണ് പിടിയിലായത്. എസ് ഡി പി ഐ ആലപ്പുഴ മണ്ഡലം വൈസ് പ്രസിഡന്റായ മണ്ണഞ്ചേരി പഞ്ചായത്ത് 17ാം വാർഡ് തെക്കേവെളിയിൽ ഷാജി, 4ാം വാർഡ് പൊന്നാട് പുന്നയ്ക്കൽ വീട്ടിൽ നഹാസ് എന്നിവരെയാണ് പിടികൂടിയത്. ഇതോടെ കേസിൽ പിടിയിലാവരുടെ എണ്ണം 18 ആയി. പ്രതികളെ നാളെ കോടതിയിൽ ഹാജരാക്കും.