സഹോദരിയെ കൊലപ്പെടുത്തിയ കേസില്‍ കോര്‍പ്പറേറ്റ്‌ ഭീമന്റെ ഭാര്യയെ പൊലീസ്‌ അറസ്റ്റ്‌ ചെയ്‌തു

മുംബൈ: സഹോദരിയെ കൊലപ്പെടുത്തിയ കേസില്‍ സ്റ്റാര്‍ ഇന്ത്യ മുന്‍ മേധാവിയുടെ ഭാര്യ അറസ്റ്റില്‍. സ്റ്റാര്‍ ഇന്ത്യയുടെ മേധാവി പീറ്റര്‍ മൂഖര്‍ജിയുടെ ഭാര്യ ഇന്ദ്രാനി മൂഖര്‍ജിയാണ് അറസ്റ്റിലായത്.
2012ലാണ് ഇന്ദ്രാനിയുടെ സഹോദരി ശീന ബോറ കൊല്ലപ്പെട്ടത്. മുംബൈയില്‍ നിന്ന് 84 കിലോമീറ്റര്‍ അകലെയുള്ള റായ്ഗഡ് വനപ്രദേശത്തിലാണ് ഇവരെ മരിച്ച നിലയില്‍ കണ്ടത്തെിയത്. മൃതദേഹം നശിപ്പിക്കാന്‍ കൂട്ടുനിന്നതാണ് ഉന്ദ്രാനിക്കെതിരായ കുറ്റം. ചൊവ്വാഴ്ച ഇന്ദ്രാനിയെ പൊലീസ് മണിക്കൂറുകള്‍ ചോദ്യം ചെയ്തിരുന്നു. ഇതിന് ശേഷമാണ് അറസ്റ്റ് ചെയ്ത ഇവരെ ആഗസ്റ്റ് 31 വരെ കോടതി റിമാന്‍ഡ് ചെയ്തു.
കേസില്‍ ഇന്ദ്രാനിയുടെ ഡ്രൈവരെ നേരെത്തെ പൊലീസ് അറസ്റ്റ് ചെയ്തിരുന്നു. ഇയാളില്‍ നിന്നാണ് കൊലപാതകത്തില്‍ ഇന്ദ്രാനിക്കുള്ള പങ്കിനെ കുറിച്ചുള്ള നിര്‍ണായ വിവരങ്ങള്‍ പൊലീസിന് ലഭിച്ചത്. സ്വത്തു തര്‍ക്കമാണ് സഹോദരിയുടെ കൊലപാതകത്തിന് കാരണമെന്ന് ഡ്രൈവര്‍ മൊഴി നല്‍കിയിട്ടുണ്ട്.

Top