ജെഎന്‍യു:മൂന്ന് വിദ്യാര്‍ത്ഥികള്‍ക്ക് ലുക്ക് ഔട്ട് നോട്ടീസ്,രാജ്യം വിട്ടുപോകുന്നത് തടയണമെന്ന് കര്‍ശന നിര്‍ദ്ധേശം.

ദില്ലി: ജെഎന്‍യു ക്യാമ്പസില്‍ രാജ്യവിരുദ്ധമുദ്രാവാക്യം മുഴക്കിയ സംഭവവുമായി ബന്ധപ്പെട്ട് മൂന്നു വിദ്യാര്‍ത്ഥികള്‍ക്ക് ദില്ലി പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചു. ഇവര്‍ രാജ്യം വിടാന്‍ ശ്രമിക്കാന്‍ സാധ്യതയുണ്ടെന്നും അത് തടയണമെന്നും എമിഗ്രേഷന്‍ അധികൃതര്‍ക്ക് നിര്‍ദ്ദേശം നല്‍കിയിട്ടുണ്ട്.

മൂന്നു വിദ്യാര്‍ത്ഥികളുടെയും ഫോണ്‍ കോളുകള്‍ സംബന്ധിച്ച വിവരങ്ങളും പൊലീസ് ശേഖരിച്ചിട്ടുണ്ട്. ദില്ലി പൊലീസിന്റെ പ്രത്യേക അന്വേഷണസംഘത്തിന്റെ കീഴില്‍ നിരവധി സംഘങ്ങളാണ് വിദ്യാര്‍ത്ഥികള്‍ക്ക് വേണ്ടിയുള്ള തിരച്ചില്‍ നടത്തുന്നത്. ഇവരുടെ അടുത്തസുഹൃത്തുകളെയും പൊലീസ് ചെയ്തു. ജെഎന്‍യു വിദ്യാര്‍ത്ഥികള്‍, ക്യാമ്പസിലെ മറ്റു ജീവനക്കാരടക്കം 17 ദൃക്‌സാക്ഷികളുടെ മൊഴികളും പൊലീസ് ശേഖരിച്ചിട്ടുണ്ട്.