പ്രായപൂര്ത്തിയാകാത്ത കാമുകന്റെ വീട്ടിലെത്തി മുറിയില് കയറി വാതിലടച്ചിരുന്ന ഇരുപത്തൊന്നുകാരി അറസ്റ്റിലായി. പ്രായപൂര്ത്തിയാകാത്ത മകനെ വശീകരിച്ച് ലൈംഗികമായി പീഡിപ്പിച്ചെന്ന അമ്മയുടെ പരാതിയിലാണ് അറസ്റ്റ്. എറണാകുളം കണ്ണേങ്കട്ട് സ്വദേശിനി മിറ്റില്ഡയാണ് പ്രതി. പതിനേഴ്കാരനായ രാമപുരം സ്വദേശിയാണ് കാമുകന്. മുറിയുടെ വാതില് തകര്ത്താണ് ഇവരെ പുറത്തിറക്കിയത്.
ശനിയാഴ്ച രാത്രിയോടെ യുവതി കാമുകന്റെ വീട്ടിലെത്തി. കാമുകനും യുവതിയും വാതിലടച്ച് മുറിക്കുള്ളില് തങ്ങുകയായിരുന്നു. വീട്ടുകാരും നാട്ടുകാരും പോലീസും ആവശ്യപ്പെട്ടിട്ടും കമിതാക്കള് പുറത്തിറങ്ങിയില്ല.
ബലമായി വാതില് തുറക്കാന് ശ്രമിച്ചപ്പോള് ഇരുവരും ആത്മഹത്യാഭീഷണി മുഴക്കി. ഇതോടെ പോലീസും നാട്ടുകാരും പിന്തിരിഞ്ഞു. ഞായറാഴ്ച രാവിലെ വീട്ടുകാര് വിളിച്ചിട്ടും ഇവര് പ്രതികരിക്കാന് തയ്യാറായില്ല.
തുടര്ന്ന് എട്ടുമണിയോടെ രാമപുരം എസ്.ഐ. കെ.കെ.ലാലുവിന്റെ നേതൃത്വത്തില് പോലീസും നാട്ടുകാരും വാതില് തകര്ത്ത് ഇവരെ പുറത്തെത്തിച്ചു. ഇതിനിടയില് കാമുകന്റെ അച്ഛനും ആത്മഹത്യാഭീഷണി മുഴക്കിയത് പരിഭ്രാന്തി സൃഷ്ടിച്ചു.
പതിനേഴുകാരനെ ജുവനൈല് കോടതിയിലും യുവതിയെ കോടതിയിലും ഹാജരാക്കി. ഫെയ്സ്ബുക്ക് വഴിയാണ് ഇരുവരും പ്രണയത്തിലായത്. എറണാകുളത്ത് ബ്യൂട്ടീഷനായി ജോലിചെയ്യുകയാണ് യുവതി. മുമ്പും കാമുകനെത്തേടിയെത്തിയ യുവതിയുടെപേരില് വീട്ടുകാര് രാമപുരം പോലീസില് പരാതി നല്കിയിരുന്നു.