ബാഗ്ദാദ്: പരിശുദ്ധ അശുറ ദിനത്തോട് അനുബന്ധിച്ചു, ലോകമെമ്പാടുമുള്ള ഷിയ മുസ്ലിംകള്‍ ആചരിച്ചുവരുന്ന ചടങ്ങുകള്‍, മനുഷ്യമനസാക്ഷിയെ ഞെട്ടിക്കുന്നവയാണ്. കൊച്ചുകുട്ടികള്‍ പോലും ആത്മപീഡനത്തിലൂടെ ആചരിക്കുന്ന ഈ പ്രായശ്ചിത്തത്തിന്റെ ദിവസം, യുകെ ഉള്‍പ്പെടെയുള്ള നിരവധി രാജ്യങ്ങളില്‍ കഴിഞ്ഞ ദിവസം ആചരിച്ചു.
കൊച്ചുകുട്ടികള്‍ മൂര്‍ച്ചയേറിയ വാളുപയോഗിച്ചു സ്വന്തം തലയ്ക്ക് വെട്ടുന്നതാണു പ്രധാനചടങ്ങ്. വെളുത്തവസ്ത്രത്തില്‍ എത്തുന്ന കുട്ടികള്‍ക്കൊപ്പം, കറുത്തവസ്ത്രം ധരിച്ച് അമ്മമാരുമുണ്ടാകും. ചടങ്ങ് അവസാനിക്കുമ്പോഴേയ്ക്കും ഇവരുടെ വെള്ളവസ്ത്രം, ചോരയില്‍ കുളിച്ചിരിക്കും. 
ഇറാഖിന്റെ തലസ്ഥാനമായ ബാഗ്ദാദിലെ തെരുവുകളില്‍ പതിനായിരക്കണക്കിനു കൊച്ചുകുട്ടികളാണ് കഴിഞ്ഞദിവസം അശുറ ആചരിച്ചത്.
അതേസമയം പുരുഷന്‍മാര്‍ കൈകള്‍ക്കൊണ്ടും ചാട്ടവാറുകൊണ്ടും സ്വയം അടിക്കുകയും പ്രാര്‍ഥനകള്‍ ഉരുവിടുകയും ചെയ്ത് പാപങ്ങള്‍ക്കു പ്രായശ്ചിത്തം ചെയ്യുന്നു.
ഹിജ്‌റ വര്‍ഷത്തിലെ ആദ്യമാസമായ മുഹറത്തിലെ പത്താമത്തെ ദിവസത്തെയാണ് ആശൂറ എന്നുവിളിക്കുന്നത്. അഫ്ഗാനിസ്ഥാന്‍, ഇറാഖ്, ഇറാന്‍, ലെബനന്‍, ബഹറിന്‍, പാക്കിസ്ഥാന്‍ എന്നീ രാജ്യങ്ങളില്‍ അശൂറ പൊതുഅവധി ദിവസമാണ്.
Top