നന്തന്‍കോട് കൂട്ടക്കൊലയ്ക്ക് കാരണം പിതാവിന്റെ സ്വഭാവ ദൂഷ്യം;  ഒറ്റക്കാവുമെന്ന കാരണത്താല്‍ സഹോദരിയെയും അന്ധയായ കുഞ്ഞമ്മയും വകവരുത്തി

തിരുവനന്തപുരം: കൂട്ടക്കൊലയ്ക്കു കാരണം പിതാവിന്റെ സ്വഭാവദൂഷ്യമെന്ന പുതിയ മൊഴിയുമായി നന്തന്‍കോട് കൂട്ടക്കൊലക്കേസിലെ പ്രതി കേഡല്‍ ജീന്‍സണ് രാജ. മദ്യലഹരിയില്‍ സ്ത്രീകളോട് ഫോണില്‍ അശ്ലീലം പറയുന്ന സ്വഭാവമുണ്ടായിരുന്നെന്നും കേഡല്‍. ഈ സ്വഭാവ ദൂഷ്യമാണ് പിതാവിനോടുള്ള വൈരാഗ്യത്തിനു കാരണം. ഇതു തടയണമെന്ന് ആവശ്യപ്പെട്ടിട്ടും അമ്മ വകവച്ചില്ല.

അച്ഛനും അമ്മയും ഇല്ലാതായാല്‍ സഹോദരിയും അന്ധയായ കുഞ്ഞമ്മയും ഒറ്റയ്ക്കാവുമെന്നതാണ് ഇവരെയും കൊല്ലാന്‍ കാരണം. ഏപ്രില്‍ രണ്ടിനു കൊലനടത്താന്‍ ശ്രമിച്ചെങ്കിലും കൈ വിറച്ചതിനാല്‍ നടന്നില്ല. കൊല്ലുന്നതിന്റെ ദൃശ്യങ്ങള്‍ ഇന്റര്‍നെറ്റില്‍ കണ്ടാണ് ആസൂത്രണം ചെയ്തത്. ഡമ്മിയുണ്ടാക്കി പരിശീലിക്കുകയും ചെയ്തു. ചോദ്യം ചെയ്യലിനിടെ കാഡല്‍ ആദ്യമായി വികാരാധീനനായി കരഞ്ഞു.