സൂപ്പര്‍ ഹിറ്റുകള്‍ മാത്രം ഒരുക്കിയ വിനീത് നിവന്‍പോളി കൂട്ടുകെട്ട് വീണ്ടും. വിനീത് ശ്രീനിവാസന്‍ തിരക്കഥയൊരുക്കി സംവിധാനംചെയ്യുന്ന ചിത്രത്തില്‍ വീണ്ടും നിവിന് പോളി നായകനായാണ് എത്തുന്നത്. ഇരുവരും ഒരുമിച്ച മലര്‍വാടി ആര്‍ട്‌സ് ക്ലബ്, തട്ടത്തിന്‍ മറയത്ത്, ഒരു വടക്കന്‍ സെല്‍ഫി എന്നിവ വന്‍വിജയം നേടിയിരുന്നു. വിനീത് ചെയ്യാനിരുന്ന നായകവേഷമാണ് നിവിന് നല്‍കിയതെന്നാണ് റിപ്പോര്‍ട്ട്.
തിരക്കഥയിലും മാറ്റംവരുത്തി. ചിത്രത്തിന്റെ പേര് പുറത്തുവിട്ടിട്ടില്ല. മികച്ച നടനുള്ള സംസ്ഥാനപുരസ്‌കാരം നേടിയ നിവിന് എബ്രിഡ് ഷൈന്‍ സംവിധാനംചെയ്യുന്ന ‘ആക്ഷന്‍ ഹീറോ ബിജു’വില്‍ അഭിനയിച്ചുകൊണ്ടിരിക്കുകയാണിപ്പോള്‍.
എബ്രിഡ് ഷൈന്‍ സംവിധാനം ചെയ്യുന്ന ആക്ഷന്‍ ഹീറോ ബിജു എന്ന ചിത്രത്തിലാണ് നിവിന് പോളി ഇപ്പോള്‍ അഭിനയിച്ചുകൊണ്ടിരിയ്ക്കുന്നത്. അത് കഴിഞ്ഞാല്‍ പ്രേമത്തില്‍ ഒരു ചെറിയ വേഷത്തില്‍ പ്രത്യക്ഷപ്പെട്ട അല്‍ത്താഫ് സംവിധാനം ചെയ്യുന്ന ചിത്രത്തിലായിരിക്കും നിവിന് അഭിനയിക്കുക. അല്‍ത്താഫിന്റെ ചിത്രം പൂര്‍ത്തിയായാല്‍ പുതിയ നിവിന് പോളി വിനീത് ശ്രീനിവാസന്‍ ചിത്രം പണി തുടങ്ങും.അല്‍ഫോണ്‍സ് പുത്രന്‍ നിവിന് ടീമിന്റെ സൂപ്പര്‍ഹിറ്റ് ചിത്രം ‘പ്രേമം’ തെലുങ്കിലേക്ക് റീമേക്കിന് ഒരുങ്ങുന്നു. നാഗചൈതന്യയാണ് നായകന്‍.
Top