ഗാൽവേ :അയർലണ്ടിലെ ഗാൽവേ കൗണ്ടിയിൽ ഉൾപ്പെടുന്ന portumna- യിലും, Killimor-ലും ഉള്ള മലയാളികളുടെ കൂട്ടായ്മയായ സെഗ് മ ( SEGMA)യുടെ ക്രിസ്തുമസ് പുതുവത്സര ആഘോഷം വർണാഭമായി.
JINGLE BELLS-2022” ആഘോഷം ജനുവരി ഏഴാം തിയതി വർണ്ണശഭളമായ ആഘോഷങ്ങളോടെ ബഹു. ഫാദർ ആന്റണി പുതിയവീട്ടിലിന്റെ സ്നേഹസാന്നിദ്ധ്യത്തിൽ ആഘോഷപൂർവ്വം കൊണ്ടാടി.
ഈ ദേശത്തെ മലയാളികളുടെ ഒത്തൊരുമയിൽ South East Malayali Association( SEGMA) എന്ന പേരിൽ 2022 അവസാനത്തോടെ ഒരു കൂട്ടായ്മ രൂപീകരിക്കുകയുണ്ടായി.
ഈ കൂട്ടായ്മയുടെ നേതൃത്വത്തിലാണ് ക്രിസ്‌തുമസ്സിന്റേയും പുതുവത്സരത്തിന്റേയും ആഘോഷത്തിന്റെ ഭാഗമായി SEGMAയുടെ പ്രഥമ സംഗമവും നടന്നത് .
കുഞ്ഞുമക്കളും യുവതീയുവാക്കളുമടങ്ങുന്നവർ ഒരുക്കിയ സംഗീത-നൃത്ത വിരുന്ന് എല്ലാവർക്കും ആസ്വാദ്യകരമായി.
ആഘോഷത്തിനൊടുവിൽ വിഭവസ്മൃദ്ധമായ ഭക്ഷണവും ഈ കൂട്ടായ്മയുടെ ഒത്തൊരുമക്ക്‌ മാറ്റ്‌ കൂട്ടി. മലയാളമനസ്സുകളുടെ ഒത്തുചേരലും പരസ്പര സഹകരണവും കേരളമണ്ണിന്റെ ഗൃഹാതുരത്വത്തിലേക്ക്‌ ഏവരെയും ഒന്നുകൂടി ഇണക്കിച്ചേർത്തു.
Click Here
Top