തിരുവനന്തപുരം:കര്ണാടകയിൽ എച്ച്.ഡി കുമാരസ്വാമി കര്ണാടക മുഖ്യമന്ത്രിയായി സത്യപ്രതിജ്ഞ ചെയ്യുന്ന ചടങ്ങില് മുഖ്യമന്ത്രി പിണറായി വിജയന് പങ്കെടുക്കും. കുമാരസ്വാമിയും മുന് പ്രധാനമന്ത്രി എച്ച്.ഡി ദേവഗൗഡയും ക്ഷണിച്ചതിനെ തുടര്ന്നാണ് മുഖ്യമന്ത്രി പങ്കെടുക്കുന്നത്. സിപിഐ എം ജനറല് സെക്രട്ടറി സീതാറാം യെച്ചൂരിയും സത്യപ്രതിജ്ഞാ ചടങ്ങില് പങ്കെടുക്കുമെന്ന് അറിയിച്ചിട്ടുണ്ട്.
കര്ണാടക മുഖ്യമന്ത്രിയായി എച്ച് ഡി കുമാരസ്വാമി ബുധനാഴ്ച സത്യപ്രതിജ്ഞ ചെയ്ത് അധികാരമേല്ക്കും. ആദ്യം സത്യപ്രതിജ്ഞ തിങ്കളാഴ്ചയായിരുന്നു തീരുമാനിച്ചതെങ്കിലും പിന്നീട് അത് മാറ്റുകയായിരുന്നു. തിങ്കളാഴ്ച രാജിവ് ഗാന്ധിയുടെ ചരമദിനമായതിനാല് തീയതി മാറ്റാന് കോണ്ഗ്രസ് അഭ്യര്ത്ഥിച്ചതിനെ തുടര്ന്നാണ് തീയതി മാറ്റിയത്
യെദ്യൂരപ്പ രാജി വെച്ചതിനു പിന്നാലെ, മന്ത്രിസഭ രൂപീകരിക്കാന് അവകാശവാദം ഉന്നയിച്ച് കുമാരസ്വാമി ഗവര്ണറെ കണ്ടിരുന്നു. തന്നെ സര്ക്കാര് രൂപീകരിക്കാന് ഗവര്ണര് ക്ഷണിച്ചതായും കുമാരസ്വാമി അറിയിച്ചു. ഭൂരിപക്ഷം തെളിയിക്കാന് പതിനഞ്ച് ദിവസത്തെ സമയമാണ് ഗവര്ണര് കുമാരസ്വാമിക്ക് അനുവദിച്ചത്. ബംഗളൂരുവിലെ ശ്രീകണ്ഠീരവ സ്റ്റേഡിയത്തിലായിരിക്കും സത്യപ്രതിജ്ഞ.
രാഹുല് ഗാന്ധിയും സോണിയ ഗാന്ധിയും സത്യപ്രതിജ്ഞാ ചടങ്ങില് പങ്കെടുക്കും. സത്യപ്രതിജ്ഞാചടങ്ങിന് മമതാ ബാനര്ജി, എംകെ സ്റ്റാലിന്, മായാവതി, ചന്ദ്രശേഖര് റാവു, ചന്ദ്രബാബു നായിഡു, അഖിലേഷ് യാദവ് എന്നിലവരുള്പ്പെടെ പ്രതിപക്ഷ ദേശീയ നേതാക്കളെയും കോണ്ഗ്രസും എസ്ജെഡിയും ക്ഷണിച്ചിട്ടുണ്ട്. ഇതോടെ യെദ്യൂരപ്പയുടെ സത്യപ്രതിജ്ഞയ്ക്ക് മുമ്പുതന്നെ കോണ്ഗ്രസും എസ്ജെഡിയും തുടങ്ങിവച്ച വകുപ്പ് വിഭജനം ഉള്പ്പെടെ മന്ത്രിസഭാ രൂപീകരണ ചര്ച്ചകളും പുനരാരംഭിച്ചു.ബുധനാഴ്ചയാണ് മുഖ്യമന്ത്രിയായി കുമാരസ്വാമി സത്യപ്രതിജ്ഞ ചെയ്യുന്നത്. സോണിയാ ഗാന്ധി, കോണ്ഗ്രസ് അദ്ധ്യക്ഷന് രാഹുല് ഗാന്ധി, ബി.എസ്.പി നേതാവ് മായാവതി, ഡല്ഹി മുഖ്യമന്ത്രി അരവിന്ദ് കെജ്രിവാള്, മുന് യുപി മഖ്യമന്ത്രി അഖിലേഷ് യാദവ്, ബംഗാള് മുഖ്യമന്ത്രി മമത ബാനര്ജി, സി.പി.എം ജനറല് സെക്രട്ടറി സീതാറാം യെച്ചൂരി എന്നിവരും ചടങ്ങില് പങ്കെുടുക്കുമെന്നാണ് അറിയിച്ചിരിക്കുന്നത്.