വാഷിങ്ടണ്‍: അമേരിക്കയിലെ ഒറിഗോണിലെ റോസ്ബര്‍ഗ് അംപ്ക്വ കമ്മ്യൂണിറ്റി കോളജില്‍ അതിക്രമിച്ച് കയറിയ തോക്കുധാരി നടത്തിയ വെടിവെപ്പില്‍ 15 പേര്‍ കൊല്ലപ്പെട്ടു. 20 പേര്‍ക്ക്‌ പരിക്കേറ്റതായും റിപ്പോര്‍ട്ട്‌. ഉംപുക്വ കമ്യൂണിറ്റി കോളേജില്‍ വ്യാഴാഴ്‌ച രാവിലെ 10.30 യോടെ ഒരു 20 കാരനാണ്‌ വെടിവെയ്‌പ്പ് നടത്തിയത്‌.നാലു തോക്കുകള്‍ ഉപയോഗിച്ചാണ്‌ ഇയാള്‍ കൃത്യം നടത്തിയത്‌. ഒറിഗോണിലെ കമ്യൂണിറ്റി കോളേജില്‍ വിദ്യാര്‍ത്ഥികള്‍ക്ക്‌ നടുവിലേക്ക്‌ എത്തിയ ഇയാള്‍ നിറയൊഴിക്കുകയായിരുന്നു. അക്രമത്തില്‍ പരിക്കേറ്റ ഒമ്പതു പേരുടെയെങ്കിലും നില അതീവ ഗുരുതരമാണ്‌. അക്രമിയെ സംഭവസ്ഥലത്ത് വച്ച തന്നെ പൊഇലീസ് വെടിവച്ച് കൊലപ്പെടുത്തുകയായിരുന്നു. ഇയാള്‍ വെടിയേറ്റ്‌ കിടന്നിരുന്ന സ്‌ഥലത്തു നിന്നും തോക്കുകള്‍ പോലീസ്‌ കണ്ടെത്തി.
സംഭവത്തെക്കുറിച്ചുള്ള വിവരം ഒബാമയെ പ്രാദേശിക നേതൃത്വം അറിയിച്ചിട്ടുണ്ട്‌. അടുത്ത കാലത്തായി അമേരിക്കയിലെ കോളേജ്‌ ക്യാമ്പസുകള്‍, തീയറ്ററുകള്‍, സൈനിക കേന്ദ്രങ്ങള്‍, പള്ളികള്‍ എന്നിവിടങ്ങളിലായി തോക്ക് ഉപയോഗിച്ചുകൊണ്ടുള്ള കൊലപാതകങ്ങള്‍ വര്‍ധിച്ചിട്ടുണ്ട്. ഇതേ തുടര്‍ന്ന് തോക്ക് കൈവശം വയ്ക്കാനുള്ള നിയമത്തില്‍ അമേരിക്കന്‍ സര്‍ക്കാര്‍ ഭേദഗതി വരുത്താനുള്ള നീക്കത്തിലാണ്. അതിനിടെയാണ് പുതിയ സംഭവം.
Top