വെറും നാല് ദിവസത്തെ പരിചയം പ്രേമമായി; ആശുപത്രിക്കിടക്കയില്‍ സ്വന്തം കുഞ്ഞിനെ ഉപേക്ഷിച്ച് അമ്മ കാമുകനൊപ്പം ഒളിച്ചോടി

അടിമാലി: ആശുപത്രി കിടക്കയില്‍ രണ്ടര വയസുള്ള കുഞ്ഞിനെ ഉപേക്ഷിച്ച് അമ്മ കാമുകനൊപ്പം നാടുവിട്ടു. അടിമാലി താലൂക്ക് ആശുപത്രിയിലാണ് സംഭവം നടന്നത്.

കഴിഞ്ഞ ശനിയാഴ്ചയാണ് മൂന്നു കുട്ടികളുടെ അമ്മയായ ബൈസണ്‍വാലി സ്വദേശിനി കാമുകനൊപ്പം പോയത്. ഇളയകുഞ്ഞിനെ ചികിത്സിക്കുന്നതിന് വേണ്ടിയായിരുന്നു  ഇവര്‍ ആശുപത്രിയിലെത്തിയത്. ഈ സമയം മറയൂര്‍ സ്വദേശിയായ അവിവാഹിതനായ യുവാവ് ജ്യേഷ്ഠനെ ചികിത്സിക്കാന്‍ ഇവിടെ എത്തി. ഇവിടെ വെച്ച് ഇരുവരും പരിചയപ്പെട്ടു. വെറും നാല് ദിവസത്തെ പരിചയമാണ് ഒളിച്ചോട്ടം വരെയെത്തിയത്.

ഭര്‍ത്താവ് വീട്ടില്‍ പോയ സമയത്ത് കുഞ്ഞിനെ കട്ടിലില്‍ കിടത്തി. ഉടന്‍ വരാം, കഞ്ഞിനെ നോക്കണം എന്ന് സമീപത്തെ രോഗിയോട് പറഞ്ഞേല്‍പ്പിച്ച് യുവതി കാമുകനോടൊപ്പം മുങ്ങുകയായിരുന്നു. വൈകുന്നേരം ഭര്‍ത്താവ് മറ്റു രണ്ടു കുട്ടികളെയും കൂട്ടി ആശുപത്രിയിലെത്തിയപ്പോഴാണ് സംഭവം അറിയുന്നത്. ഉടന്‍ അടിമാലി പൊലീസില്‍ പരാതി നല്‍കി.

ചൊവ്വാഴ്ച യുവതിയെ പൊലീസ് മറയൂരില്‍ നിന്ന് കസ്റ്റഡിയിലെടുത്ത് അടിമാലി സ്റ്റേഷനില്‍ കൊണ്ടുവന്നു. എന്നാല്‍ ഭര്‍ത്താവിനൊപ്പം പോകാന്‍ താല്പര്യമില്ലെന്നും കാമുകനൊപ്പം പോയാല്‍ മതിയെന്നും യുവതി പൊലീസിനോട് പറഞ്ഞു. ഇതോടെ യുവതിയെ പൊലീസ് ചെറുതോണിയിലെ സദര്‍ ഹോമില്‍ പ്രവേശിപ്പിച്ചു.

കല്യാണത്തിന് വീട്ടുകാരെ സമ്മതിപ്പിക്കാനെന്ന് പറഞ്ഞ് ഇന്ത്യയിലേക്ക് വന്ന കാമുകന്റെ വിവരമില്ല; കാമുകനെ തിരഞ്ഞ് രണ്ട് മക്കളുടെ അമ്മയായ മലേഷ്യന്‍ യുവതി ഇന്ത്യയില്‍ പ്രാര്‍ത്ഥിച്ച എല്ലാവര്‍ക്കുമായി ഒരു സന്തോഷ വാര്‍ത്ത പങ്കുവെച്ച് സച്ചിന്‍-ഭവ്യ ദമ്പതികള്‍ രണ്ട് യുവാക്കള്‍ ഒന്നിച്ച് ഒരു പെണ്‍ക്കുട്ടിയെ പ്രണയിച്ചു; പ്രണയത്തിന്റെയും പ്രതികാരത്തിന്റെയും കഥ… കണ്ണ് നനയിക്കുന്ന പ്രണയക്കുറിപ്പ്… അനുജന്‍ കണ്ട് ഇഷ്ടപ്പെട്ട് വിവാഹം ഉറപ്പിച്ച പെണ്ണിന് ജ്യേഷ്ഠനോട് പ്രണയം; വീട്ടിലെ പ്രാരാബ്ദം മൂലം വരന്റെ വീട്ടില്‍ പെണ്‍കുട്ടിയും അമ്മയും താമസമാക്കിയപ്പോള്‍ സഹോദരങ്ങള്‍ രണ്ട് പേരും പീഡനത്തിനിരയാക്കി…
Latest
Widgets Magazine