കൊച്ചി: നടിയെ ആക്രമിച്ച കേസില് വിചാരണക്കോടതി ആറ് പ്രതികള്ക്ക് ശിക്ഷ വിധിച്ചു. കേസിലെ ഒന്നാം പ്രതി പള്സര് സുനിക്ക് 20 വര്ഷം കഠിന തടവും 50000 രൂപ ശിക്ഷയും പ്രഖ്യാപിച്ചു. കേസിലെ ഒന്നു മുതല് ആറ് വരെയുള്ള പ്രതികള്ക്കെല്ലാം ഒന്നാം പ്രതിക്ക് നല്കിയിരിക്കുന്ന അതേ ശിക്ഷ തന്നെയാണ് വിചാരണക്കോടതി വിധിച്ചിരിക്കുന്നത്. കേസിലെ ഒന്നാം പ്രതി പള്സര് സുനി, രണ്ടാം പ്രതി മാര്ട്ടിന് ആന്റണി, മൂന്നാം പ്രതി ബി മണികണ്ഠന്, നാലാം പ്രതി വി പി വിജീഷ്, അഞ്ചും ആറും പ്രതികളായ എച്ച് സലീം, പ്രദീപ് എന്നിവരെയാണ് കോടതി ശിക്ഷിച്ചിരിക്കുന്നത്.
വിവിധ കുറ്റങ്ങളിലായി പ്രതികള്ക്ക് കോടതി വിധിച്ചിരിക്കുന്ന പിഴയില് നിന്ന് അഞ്ച് ലക്ഷം രൂപ അതിജീവിതയ്ക്ക് നല്കണമെന്നും കോടതി ഉത്തരവില് വ്യക്തമാക്കുന്നു. എട്ട് വര്ഷത്തെ നിയമപോരാട്ടങ്ങള്ക്കൊടുവിലാണ് കേസില് കുറ്റക്കാരെന്ന് കണ്ടെത്തിയ ആറ് പ്രതികള്ക്കും വിചാരണക്കോടതി ശിക്ഷ വിധിച്ചിരിക്കുന്നത്.
നേരത്തെ കോടതി നടപടികള് റിപ്പോര്ട്ട് ചെയ്യരുത് എന്ന വിചാരണ കോടതി ജഡ്ജി മുന്നറിയിപ്പ് നല്കിയിരുന്നു. പ്രതിക്കൂട്ടില് കയറ്റിയ പ്രതികളോട് ശിക്ഷാവിധിയില് എന്താണ് പറയാനുള്ളതെന്ന് കോടതി ചോദിച്ചിരുന്നു. വീട്ടില് അമ്മ മാത്രമേയുള്ളു എന്നായിരുന്നു പള്സര് സുനി പറഞ്ഞത്. കേസില് താന് കുറ്റമൊന്നും ചെയ്തിട്ടില്ലെന്നും നിരപരാധിയാണെന്നും അസുഖബാധിതരായ മാതാപിതാക്കള് മാത്രമേയുള്ളു എന്നായിരുന്ന രണ്ടാം പ്രതി മാര്ട്ടിന് ആന്റണി കരഞ്ഞ് കൊണ്ട് പറഞ്ഞത്. അഞ്ചര കൊല്ലം ജയിലില് കഴിഞ്ഞെന്നും ശിക്ഷാവിധിയില് ഇളവ് വേണമെന്നും മാര്ട്ടിന് കോടതിയോട് പറഞ്ഞു. ഭാര്യയും കുഞ്ഞുങ്ങളും മാത്രമേ ഉള്ളുവെന്നും മനസ്സറിഞ്ഞ് തെറ്റൊന്നും ചെയ്തിട്ടില്ലെന്നുമായിരുന്നു മൂന്നാംപ്രതി ബി മണികണ്ഠന് കോടതിയില് പറഞ്ഞത്. ജയില്ശിക്ഷ ഒഴിവാക്കി നല്കണമെന്നും മണികണ്ഠന് കോടതിയോട് അഭ്യര്ത്ഥിച്ചു. ഏറ്റവും കുറഞ്ഞ ശിക്ഷ നല്കണമെന്നായിരുന്നു നാലാം പ്രതി വിജീഷ് കോടതിയോട് അഭ്യര്ത്ഥിച്ചത്. കണ്ണൂര് ജയിലിലേയ്ക്ക് അയക്കണമെന്നും വിജീഷ് ആവശ്യപ്പെട്ടു. ഒരു തെറ്റും ചെയ്തിട്ടില്ലെന്നായിരുന്നു അഞ്ചാം പ്രതി വടിംവാള് സലിം കോടതിയില് പറഞ്ഞത്. ഭാര്യയും ഒരു വയസ്സുള്ള കുഞ്ഞിന്റെയും ഏക ആശ്രയം താനാണെന്നും സലീം കോടതിയില് പറഞ്ഞു. കുടുംബത്തിന്റെ ഏകആശ്രയം താനാണെന്നായിരുന്നു ആറാം പ്രതി പ്രദീപ് കോടതിയില് പറഞ്ഞത്. പ്രദീപും കോടതിയില് പൊട്ടിക്കരഞ്ഞു.
പ്രതികള്ക്ക് പരമാവധി ശിക്ഷ നല്കണമെന്നായിരുന്നു പ്രോസിക്യൂഷന് വിചാരണ കോടതിയോട് ആവശ്യപ്പെട്ടത്. ആസൂത്രിതമായ കുറ്റകൃത്യമാണ് പ്രതികള് നടത്തിയതെന്നും പ്രോസിക്യൂഷന് ചൂണ്ടിക്കാണിച്ചു. എല്ലാ പ്രതികള്ക്കും ഒരേ ശിക്ഷ നല്കണമെന്നും പ്രോസിക്യൂഷന് ആവശ്യപ്പെട്ടിരുന്നു. ഒന്നാം പ്രതിയാണ് യഥാര്ത്ഥ പ്രതിയെന്നും മറ്റുള്ളവര് ഒന്നാം പ്രതിയെ സഹായിക്കുകയായിരുന്നുവെന്നും പ്രോസിക്യൂഷന്റെ വാദത്തിന് മറുപടിയായി വിചാരണ കോടതി ചൂണ്ടിക്കാണിച്ചിരുന്നു. കൂട്ടബലാത്സംഗക്കുറ്റത്തിലെ ശിക്ഷയിലാണ് ചോദ്യമെന്നും ക്രിമിനല് ഗൂഡാലോചനയിലെ ശിക്ഷയിലല്ല ചോദ്യമെന്നും കോടതി വ്യക്തമാക്കിയിരുന്നു. ജീവപര്യന്തം നല്കിയില്ലെങ്കില് എന്തുകൊണ്ടെന്ന കാരണം വ്യക്തമാക്കേണ്ടിവരുമെന്ന് പറഞ്ഞ കോടതി 20 വര്ഷമാണ് (കുറഞ്ഞ ശിക്ഷ) നല്കുന്നതെങ്കിലും കാരണം ശിക്ഷാവിധിയില് ബോധ്യപ്പെടുത്തണമെന്നും വ്യക്തമാക്കി. ഈ സാഹചര്യത്തിലാണ് വ്യക്തത തേടുന്നത് എന്നും കോടതി ചൂണ്ടിക്കാണിച്ചു. 376(ഡി) പ്രകാരം നടന്നത് കൂട്ടബലാത്സം?ഗമാണെന്നായിരുന്നു പ്രോസിക്യൂഷന് മറുപടി പറഞ്ഞു. ഒന്നാം പ്രതിയ്ക്ക് മാത്രമായി പ്രത്യേക ശിക്ഷ നല്കാനാവില്ലെന്നും പ്രോസിക്യൂഷന് ചൂണ്ടിക്കാണിച്ചു. ഒന്നാം പ്രതിയും മറ്റുപ്രതികളും ചെയ്ത ശിക്ഷയ്ക്ക് വ്യത്യാസമില്ലെന്നും പ്രോസിക്യൂഷന് ചൂണ്ടിക്കാണിച്ചു.
പ്രോസിക്യൂഷന് വാദത്തിന് ശേഷം പ്രതിഭാഗം വാദവും വാദമുഖങ്ങള് അവതരിപ്പിച്ചു. അനുകൂല സാഹചര്യങ്ങള് പരിഗണിച്ച് പ്രതികള്ക്ക് കുറഞ്ഞ ശിക്ഷ നല്കണമെന്ന് പ്രതിഭാഗം വിചാരണ കോടതിയോട് ആവശ്യപ്പെട്ടു. പ്രതികള്ക്ക് മാനസാന്തരത്തിന് അവസരമൊരുക്കണമെന്നും പ്രതിഭാഗം വാദിച്ചു. അതിക്രൂരമായ ബലാത്സംഗം നടന്നാല് മാത്രമേ മാക്സിമം ശിക്ഷ നല്കാന് ആകൂവെന്നായിരുന്നു പള്സര് സുനിയുടെ അഭിഭാഷകന്റെ വാദം. അതിജീവിതയുടെ നിസ്സഹായ അവസ്ഥ പരിഗണിക്കേണ്ടത് അല്ലേ എന്നായിരുന്നു വിചാരണ കോടതിയുടെ ഇതിനോടുള്ള പ്രതികരണം. സ്ത്രീയുടെ സകല അന്തസ്സും അഭിമാനവും(ൗെുൃലാല റശഴിശ്യേ) പ്രധാനം അല്ലെ എന്നും കോടതി ചോദിച്ചു. പ്രതിഭാ?ഗത്തിന്റെ വാദത്തെ പ്രോസിക്യൂഷന് എതിര്ത്തു.
സുനിയുടെ അമ്മ രോഗിയെന്നും അമ്മയുടെ അസുഖം പരിഗണിക്കണമെന്നും പള്സര് സുനിയുടെ അഭിഭാഷകന് വാദിച്ചു. രണ്ടാം പ്രതി മാര്ട്ടിന്റെ അഭിഭാഷകന് ഓണ്ലൈനായാണ് വാ?ദത്തിന് ഹാജരായത്. ഏറ്റവും കുറഞ്ഞ ശിക്ഷ തന്റെ കക്ഷിക്ക് നല്കണമെന്നായിരുന്നു മാര്ട്ടിന്റെ അഭിഭാഷകന് വാദിച്ചത്. കൂട്ടബലാത്സം?ഗ കുറ്റം ബാധകമല്ലെന്നും മാര്ട്ടിന് ഒകു പെറ്റി കേസില് പോലും പ്രതിയായിട്ടില്ലെന്നും മാര്ട്ടിന്റെ അഭിഭാഷകന് വാദിച്ചു. ഇന്ന് തന്നെ ശിക്ഷാ വിധി പ്രഖ്യാപിക്കുമെന്നാണ് കോടതി വ്യക്തമാക്കിയിരിക്കുന്നത്.
കുടുംബ പ്രാബ്ധങ്ങള് ചൂണ്ടിക്കാണിച്ചായിരുന്നു മൂന്നാം പ്രതി അഭിഭാഷകന്റെ വാദം. ഒന്നര സെന്റ് സ്ഥലത്താണ് കടുംബം താമസിക്കുന്നതെന്നും കുറഞ്ഞ ശിക്ഷ നല്കണമെന്നും മണികണ്ഠന്റെ അഭിഭാഷകന് വാദിച്ചു. ഒരു പെറ്റികേസില് പോലും മണികണ്ഠന് പ്രതിയല്ലെന്നും റിമാന്ഡ് കാലാവധി ശിക്ഷയില് നിന്നും കുറയ്ക്കണമെന്നും മണികണ്ഠന്റെ വക്കീല് ആഭ്യര്ത്ഥിച്ചു.
കേസ് തുടങ്ങിയപ്പോള് മുതല് ഓരോരുത്തരും സ്വാര്ത്ഥ താല്പ്പര്യത്തിനായി ഓരോന്ന് ചെയ്തു അത് ഇനിയും ആവര്ത്തിക്കരുതെന്നും പ്രതിഭാ?ഗം വാദത്തിനിടെ കോടതി മുന്നറിയിപ്പ് നല്കി. അഭിപ്രായം പറയാന് താല്പര്യമുള്ളവര് വിധിന്യായം വായിക്കണമെന്നും പ്രതിഭാഗം വാദം ഉന്നയിക്കുന്നതില് പ്രൊസിക്യൂഷന് ആശങ്കപ്പെടേണ്ടെന്നും പ്രതിഭാ?ഗം വാദത്തിനിടെ കോടതിയുടെ പരാമര്ശം ഉണ്ടായി. ഇന്ന് ഉച്ചകഴിഞ്ഞ് 3.30ന് ശിക്ഷാവിധി ഉണ്ടാകുമെന്നാണ് കോടതി വ്യക്തമാക്കിയിരിക്കുന്നത്.
റിപ്പോര്ട്ടര് ടിവിക്കെതിരെ എട്ടാം പ്രതിയായിരുന്ന ദിലീപ് നല്കിയ കോടതിയലക്ഷ്യ ഹര്ജിയും കോടതി പരി?ഗണിച്ചു. കോടതി അലക്ഷ്യ ഹര്ജികളില് സംസ്ഥാന സര്ക്കാരിനെ കോടതി എതിര്കക്ഷിയാക്കി. കോടതിയലക്ഷ്യ ഹര്ജികള് ഡിസംബര് 18ന് പരി?ഗണിക്കനായി കോടതി മാറ്റി.
പൊട്ടിക്കരഞ്ഞ് മാര്ട്ടിന് ആന്റണി, അമ്മ മാത്രമേ ഉള്ളുവെന്ന് പള്സര് സുനി; ശിക്ഷയില് ഇളവ് തേടി പ്രതികള്, വിധി 3.30ന്
എല്ലാ പ്രതികള്ക്കും എതിരെ ഗൂഢാലോചന, ബലാത്സംഗം, തട്ടിക്കൊണ്ടുപോകല്, തെളിവ് നശിപ്പിക്കല്, സ്ത്രീത്വത്തെ അപമാനിക്കല്, ഐ ടി ആക്ട് പ്രകാരമുള്ള കുറ്റങ്ങള് തുടങ്ങി മുഴുവന് കുറ്റങ്ങളും നിലനില്ക്കുമെന്ന് കോടതി നേരത്തെ കണ്ടെത്തിയിരുന്നു. നടിയെ ആക്രമിച്ച കേസില് ഗൂഢാലോചനക്കുറ്റം ചുമത്തിയിരുന്ന ഏട്ടാം പ്രതി ദിലീപ് അടക്കമുള്ള ഏഴ് മുതല് പത്ത് വരെയുള്ള പ്രതികളെ വിചാരണക്കോടതി തെളിവുകളുടെ അഭാവത്തില് കുറ്റവിമുക്തനാക്കിയിരുന്നു.
Top