കൊച്ചി: അനധികൃത സ്വത്ത് സമ്പാദനക്കേസില് എഡിജിപി എം ആര് അജിത് കുമാറിന് ഭാഗിക ആശ്വാസം. അന്വേഷണം ആകാമെന്ന വിജിലന്സ് കോടതി ഉത്തരവ് ഹൈക്കോടതി റദ്ദാക്കി. ഹൈക്കോടതി സിംഗിള് ബെഞ്ചിന്റേതാണ് നടപടി. നടപടിക്രമങ്ങള്ക്ക് വിരുദ്ധമാണ് വിചാരണക്കോടതിയുടെ നടപടിയെന്ന് ഹൈക്കോടതി വ്യക്തമാക്കി. പ്രോസിക്യൂഷന് അനുമതി തേടിയ ശേഷം പരാതിയുമായി പരാതിക്കാരന് മുന്നോട്ട് പോകാമെന്ന് ഹൈക്കോടതി അറിയിച്ചു.
അനധികൃത സ്വത്ത് സമ്പാദനക്കേസില് അന്വേഷണം പൂര്ത്തിയാക്കി വിജിലന്സ് നല്കിയ ക്ലീന് ചീറ്റ് തിരുവനന്തപുരം വിജിലന്സ് കോടതി റദ്ദാക്കുകയും കേസുമായി മുന്നോട്ടുപോകാമെന്ന് വിധിക്കുകയും ചെയ്തിരുന്നു. ഇതിനെതിരെ അജിത്കുമാര് നല്കിയ അപ്പീലിലാണ് ഹൈക്കോടതി നിരീക്ഷണം. വിജിലന്സ് റിപ്പോര്ട്ട് പരിശോധിക്കാതെയാണ് കോടതിയുടെ നടപടിയെന്ന അജിത് കുമാറിന്റെ വാദം കോടതി ശരിവെച്ചു.
അതേസമയം മുഖ്യമന്ത്രിക്കെതിരായ വിജിലന്സ് കോടതി പരാമര്ശങ്ങള് കോടതി റദ്ദാക്കി. സര്ക്കാര് നല്കിയ അപ്പീലിലാണ് ഹൈക്കോടതിയുടെ നടപടി. വിജിലന്സ് റിപ്പോര്ട്ട് അംഗീകരിച്ച മുഖ്യമന്ത്രിയുടെ നടപടി നിയമ വിരുദ്ധമെന്ന പരാമര്ശമാണ് കോടതി റദ്ദാക്കിയത്.
Top