കുനൂർ ഹെലികോപ്ടർ അപകടം: ഡേ​റ്റ റെ​ക്കോ​ർ​ഡ​ർ ക​ണ്ടെ​ത്തി; വ്യോ​മ​സേ​ന​യു​ടെ അ​ന്വേ​ഷ​ണം തു​ട​രു​ന്നു

ഊ​ട്ടി:കുനൂർ ഹെലികോപ്ടർ അപകടത്തിൽ വ്യോ​മ​സേ​ന​യു​ടെ അ​ന്വേ​ഷ​ണം തു​ട​രു​ന്നു. ഹെ​ലി​കോ​പ്റ്റ​റി​ന്റെ ഫ്‌​ളൈ​റ്റ് ഡേ​റ്റ റെ​ക്കോ​ർ​ഡ​ർ ക​ണ്ടെ​ത്തി​. വിം​ഗ് ക​മാ​ൻറ​ർ ഭ​ര​ദ്വാ​ജി​ൻറെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം. വ്യോ​മ​സേ​ന മേ​ധാ​വി വി.​ആ​ർ. ചൗ​ധ​രി അ​പ​ക​ട​സ്ഥ​ല​ത്ത് എ​ത്തി ത​ക​ർ​ന്ന ഹെ​ലി​കോ​പ്റ്റ​ർ പ​രി​ശോ​ധി​ച്ചു.

ബു​ധ​നാ​ഴ്ച ഉ​ച്ച​യ്ക്ക് 12:20ന് ​ത​മി​ഴ്നാ​ട്ടി​ൽ ഊ​ട്ടി​ക്കു സ​മീ​പം കൂ​നൂ​രി​ലെ ക​ട്ടേ​രി ഫാ​മി​നു സ​മീ​പ​ത്താ​യാ​ണ് അ​പ​ക​ടം ന​ട​ന്ന​ത്. ക​ന​ത്ത മൂ​ട​ൽ​മ​ഞ്ഞ് ആ​യി​രു​ന്ന​തി​നാ​ൽ കോ​പ്റ്റ​റി​ന്റെ ചി​റ​ക് മ​ര​ത്തി​ൽ ഇ​ടി​ച്ച് അ​പ​ക​ടം ഉ​ണ്ടാ​യ​താ​കാ​മെ​ന്നാ​ണു പ്രാ​ഥ​മി​ക നി​ഗ​മ​നം. താ​ഴ്ന്നു​പ​റ​ന്ന ഹെ​ലി​കോ​പ്റ്റ​ർ മ​ര​ത്തി​ൽ ഇ​ടി​ച്ച​താ​യി ദൃ​ക്സാ​ക്ഷി​ക​ൾ പ​റ​ഞ്ഞു​വെ​ന്നു റി​പ്പോ​ർ​ട്ടു​ണ്ട്.

രാ​ജ്യ​ത്തെ പ്ര​ഥ​മ സം​യു​ക്ത​സൈ​നി​ക മേ​ധാ​വി ജ​ന​റ​ൽ ബി​പി​ൻ റാ​വ​ത്തു​ൾ​പ്പെ​ടെ 13 പേ​രാണ് ഹെലികോപ്റ്റർ അപകടത്തിൽ മരിച്ചത്. ബുധനാഴ്ച ഉച്ചയ്ക്കാണ് കൂനൂർ കാട്ടേരിയിലെ നഞ്ചപ്പഛത്രത്ത് ഹെലികോപ്റ്റർ തകർന്നുവീണത്. രക്ഷപ്പെട്ട ഗ്രൂപ്പ് ക്യാപ്റ്റൻ വരുൺ സിംഗ് അതീവ ഗുരുതരാവസ്ഥയിൽ തുടരുകയാണ്.

അപകടത്തെക്കുറിച്ച് പ്രതിരോധമന്ത്രി രാജ്നാഥ് സിങ് വ്യാഴാഴ്ച പാർലമെന്റിൽ പ്രസ്താവന നടത്തും. വിവരമറിഞ്ഞ ഉടൻ പ്രതിരോധമന്ത്രിയുടെ അധ്യക്ഷതയിൽ പ്രതിരോധ മന്ത്രാലയത്തിൽ ഉന്നതതല യോഗം ചേർന്ന് അപകട വിവരങ്ങൾ വിലയിരുത്തിയിരുന്നു. അന്വേഷണം നടക്കുന്നതിനാൽ അപകട കാരണങ്ങൾ സംബന്ധിച്ച കാര്യങ്ങളിലേക്ക് പ്രതിരോധമന്ത്രി കടക്കാനിടിയില്ല.