കാഠ്‌മണ്ഡു: നേപ്പാള്‍ മുന്‍ ആഭ്യന്തരമന്ത്രി ദേവേന്ദ്ര രാജ് കണ്ഡേലിനെ വെടിവച്ചു കൊലപ്പെടുത്താന്‍ ശ്രമിച്ച രണ്ട് ഇന്ത്യക്കാരെ കാഠ്മണ്ഡുവില്‍ അറസ്റ്റിലായി.ഉജ്ജ്വല്‍ ഗര്‍തോല(44), യോഗേന്ദ്ര പതന്‍വാര്‍(42) എന്നിവരാണു പിടിയിലായത്. പ്രതികള്‍ ഉത്തര്‍പ്രദേശിലെ മഹരാജ്ഗഞ്ച് സ്വദേശികളാണ്. ഇവര്‍ കണ്ഡേലിനെ വെടിവച്ച്‌ കൊലപ്പെടുത്താന്‍ ശ്രമിക്കുകയായിരുന്നു. ഇരുവരും ഉത്തര്‍പ്രദേശിലെ മഹാരാജ്‌ഗഞ്ച്‌ സ്വദേശികളാണെന്നും ഇവരുടെ പക്കല്‍ നിന്നും ഒരു നാടന്‍ തോക്കും വെടിയുണ്ടകളും കണ്ടെടുത്തെന്നും നേപ്പാള്‍ പോലീസ്‌ അറിയിച്ചു.
വെള്ളിയാഴ്‌ച ഉച്ചയോടെയാണ്‌ സംഭവമുണ്ടായത്‌. ഇന്ത്യന്‍ അതിര്‍ത്തിയോട്‌ ചേര്‍ന്നുള്ളനവല്‍പരാസി ഗ്രാമത്തില്‍ വച്ചാണ്‌ കണ്ഡേലിന്‌ നേരെ വധശ്രമമുണ്ടായത്‌. വെടിവയ്‌ക്കാന്‍ മുതിര്‍ന്ന അക്രമികളെ കണ്ഡേലിനെ ഗാര്‍ഡുകള്‍ സാഹസികമായി കീഴടക്കുകയായിരുന്നു. പ്രതികള്‍ എത്തിയ ബൈക്ക്‌ പോലീസ്‌ പിടിച്ചെടുത്തു.
ഇത്‌ രണ്ടാം തവണയാണ്‌ കണ്ഡേലിന്‌ നേരെ വധശ്രമം ഉണ്ടാകുന്നത്‌. നേരത്തെ നടന്ന ആക്രമണത്തില്‍ അദ്ദേഹത്തിന്‌ ഗുരുതരമായി പരുക്ക്‌ പറ്റിയിരുന്നു.
Top