ദമ്മാം: ഒ ഐ സി സി യൂത്ത് വിംഗ് ദമ്മാം റീജ്യണല്‍ കമ്മിറ്റിയുടെ നേതൃത്വത്തില്‍ നാട്ടിലും പ്രവാസലോകത്തും ജീവകാരുണ്യ രംഗത്ത് കൂടുതല്‍ ശ്രദ്ധ കേന്ദ്രീകരിക്കുന്നതിന്റെ ഭാഗമായി “കരുതല്‍” – ഒപ്പം നടക്കാം ഒരു കൈ സഹായിക്കാം.. എന്ന പദ്ധതിക്ക് തുടക്കം കുറിച്ചു. ജാതി മത രാഷ്ട്രീയ വ്യത്യാസമില്ലാതെ അശരണായവര്‍ക്ക് സഹായമെത്തിക്കുക എന്നതാണ് ഈ പദ്ധതിയിലൂടെ ഒ ഐ സി സി യൂത്ത് വിംഗ് ലക്ഷ്യമിടുന്നത്. പദ്ധതിയുടെ ലോഗോ അല്‍ ഖോബാറില്‍ നടന്ന ചടങ്ങില്‍ കോണ്‍ഗ്രസ്സ് നേതാവും മുന്‍ ഇടുക്കി എം പി യുമായ പി ടി തോമസ്‌ പ്രകാശനം ചെയ്തു.
ദമ്മാം ഒ ഐ സി സി യുടെ യുവജന വിഭാഗം തുടക്കം കുറിച്ച “കരുതല്‍” – ഒപ്പം നടക്കാം ഒരു കൈ സഹായിക്കാം.. എന്ന പദ്ധതിയെ പി ടി തോമസ്‌ പ്രശംസിച്ചു. ഒപ്പം, നാട്ടില്‍ നടത്തുന്ന ജീവകാരുണ്യ പ്രവര്‍ത്തനങ്ങള്‍ക്ക് ആവശ്യമായ സഹകരണം തന്‍റെ ഭാഗത്ത് നിന്നുമുണ്ടാകുമെന്നും അദ്ദേഹം പറഞ്ഞു. യൂത്ത് വിംഗ് ദമ്മാം റീജ്യണല്‍ കമ്മിറ്റി പ്രസിഡണ്ട്‌ നബീല്‍ നെയ്തല്ലൂര്‍ അദ്ധ്യക്ഷത വഹിച്ചു. പി.എം.നജീബ്, ബിജു കല്ലുമല,അഡ്വ.കെ.വൈ.സുധീന്ദ്രന്‍, പി.എ.നൈസാം, ഹനീഫ് റാവുത്തര്‍, പ്രസാദ്‌ രഘുനാഥ്‌, നിസാം കൊല്ലം , നിഷാര്‍ എന്നിവര്‍ സംബന്ധിച്ചു. ഡിജോ പഴയമഠം സ്വാഗതവും അംജത്‌ അടൂര്‍ നന്ദിയും പറഞ്ഞു.
Top