ആറ് വയസ്സുള്ള മകനെ കൊലപ്പെടുത്തി!അമ്മയെ അറസ്റ്റു ചെയ്തു റിമാൻഡ് ചെയ്തു

വാട്ടർഫോർഡ് : ആറ് വയസ്സുള്ള മകനെ കൊലപ്പെടുത്തിയ കേസിൽ അമ്മയെ അറസ്റ്റു ചെയ്തു കോടതിയിൽ ഹാജരാക്കി .കോടതി പ്രതിയെ റിമാൻഡ് ചെയ്തു .വാട്ടർഫോർഡിൽ വില്യംസ്ടൗൺ റോഡിലെ ബിഷപ്പ് ഫീൽഡിലെ റൂത്ത് പർസെൽ ഹീലിയെ (37) ആണ് വാട്ടർഫോർഡ് ജില്ലാ കോടതിയുടെ പ്രത്യേക സിറ്റിങ്ങിൽ ഹാജരാക്കിയത് .കഴിഞ്ഞ ഫെബ്രുവരി 8-നോ 9-നോ വാട്ടർഫോർഡിലെ റാത്‌മൊയ്‌ലനിൽ വച്ച് മാത്യു ഹീലി (6)യെ കൊലപ്പെടുത്തിയെന്നാണ് അമ്മയായ റൂത്ത് പർസെൽ ഹീലിക്കെതിരെ ചുമത്തിയ കുറ്റം

ഡിറ്റക്ടീവ് സർജൻ്റ് ഡേവിഡ് ഷോർ വൈകുന്നേരം 6.38 ന് പ്രതിയെ അറസ്റ്റ് ചെയ്യുകയും കുറ്റം ചുമത്തുകയും ചെയ്തതിൻ്റെ തെളിവ് നൽകി. ഇൻസ്പെക്ടർ ഷായ് കീവൻസ് കസ്റ്റഡിയിൽ റിമാൻഡിനായി അപേക്ഷിച്ചു, ഇത് കോടതി അനുവദിച്ചു, ജഡ്ജി കെവിൻ സ്റ്റൗണ്ടൺ പ്രതിയെ റിമാൻഡ് ചെയ്തു അടുത്ത ചൊവ്വാഴ്ച വരെ ലിമെറിക് ജയിലിലേക്ക് അയച്ചു. അടുത്ത അവധിക്ക് പ്രതിയെ വീഡിയോ ലിങ്ക് വഴി വാട്ടർഫോർഡ് ജില്ലാ കോടതിയിൽ ഹാജരാക്കും.

കൊലപാതകക്കുറ്റം ചുമത്തി ജില്ലാ കോടതിക്ക് ജാമ്യം അനുവദിക്കാൻ കഴിയാത്തതിനാൽ ജാമ്യത്തിന് അപേക്ഷ നൽകുന്നില്ല എന്ന് പ്രതികൾക്കുവേണ്ടി ഹാജരായ സോളിസിറ്റർ കെന്നത്ത് കണ്ണിംഗ്ഹാം പറഞ്ഞു. എന്നാൽ അടുത്ത രണ്ടാഴ്ചയ്ക്കുള്ളിൽ ഹൈക്കോടതി ജാമ്യാപേക്ഷ കൊടുക്കുമെന്നും പറഞ്ഞു.

മിസ്റ്റർ കന്നിംഗ്ഹാമിൻ്റെ അഭ്യർത്ഥനയെത്തുടർന്ന്, കസ്റ്റഡിയിൽ മിസ് പർസെൽ ഹീലിയുടെ മാനസി നില വിലയിരുത്തണമെന്നും അവർക്ക് ആവശ്യമായ വൈദ്യസഹായം നൽകണമെന്നും ജഡ്ജി നിർദ്ദേശിച്ചു.

കഴിഞ്ഞ വെള്ളിയാഴ്ച, ഫെബ്രുവരി 9, അർദ്ധരാത്രിക്ക് ശേഷം, ഡൺമോർ ഈസ്റ്റിലെ റാത്ത്‌മോയ്‌ലൻ പ്രദേശത്ത് മാത്യു ഹീലിയെ കാറിൽ മരിച്ച നിലയിൽ കണ്ടെത്തുകയായിരുന്നു .