കോട്ടയം: കന്യാസ്ത്രീ പീഡനക്കേസില്‍ നിര്‍ണ്ണായക മൊഴി നല്‍കിയ വൈദികന്‍ മരണപ്പെട്ട സംഭവത്തില്‍ ദുരൂഹത വര്‍ദ്ധിക്കുന്നു. തിനിക്ക് വധഭീഷണി ഉണ്ടെന്ന് വൈദികന്‍ സൂചന നല്‍കിയിരുന്നെന്ന് സിസ്റ്റര്‍ അനുപമ വെളിപ്പെടുത്തി. ഫാദറിന്റെ മരണത്തില്‍ ഭയമുണ്ടെന്നും സിസ്റ്റര്‍ പറഞ്ഞു.
ഫാദറിന്റെ മരണത്തില്‍ ഭയമുണ്ടെന്നും തങ്ങളുടെ ജീവനും തങ്ങളെ അനുകൂലിക്കുന്നവരുടെ ജീവനും അപകടത്തിലാണെന്നും അനുപമ പറഞ്ഞു. ഫ്രാങ്കോ മുളയ്ക്കലിനെതിരെ പരാതി നല്‍കിയ ഫാ. കുര്യാക്കോസ് കാട്ടുത്തറയെ ഇന്നാണ് മരിച്ച നിലയില്‍ കണ്ടെത്തിയത് ജലന്ധറിലെ മുറിയിലാണ് മൃതദേഹം കണ്ടെത്തിയത്. ഇന്നു പുലര്‍ച്ചെയാണ് മരണം നടന്നതെന്നു സൂചന. മരണത്തില്‍ ദുരൂഹതയെന്നു ബന്ധുക്കളും സഹ വൈദികരും ആരോപിച്ചിരുന്നു.
ഫ്രാങ്കോയ്ക്കെതിരെ കടുത്ത നിലപാട് എടുത്തതിന്റെ പേരില്‍ മുന്‍പ് പല തവണയും ഇദ്ദേഹം ഭീഷണി നേരിട്ടിരുന്നു. ഫ്രാങ്കോക്കെതിരെ മാധ്യമങ്ങളിലൂടെ പരസ്യമായി പ്രതികരിക്കാന്‍ തയ്യാറായ വൈദികനായിരുന്നു ഇദ്ദേഹം.
Top