പുതിയ ചീഫ് സക്രട്ടറിയായി ടോം ജോസ് അധികാരമേല്ക്കും. നിലവിലെ ചീഫ് സെക്രട്ടറി പോള് ആന്റണി ശനിയാഴ്ച വിരമിക്കുന്ന ഒഴിവിലാണ് പുതിയ നിയമനം. മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനം എടുത്തത്. നിലവില് തോഴില്-ജലവിഭവ വകുപ്പുകളുടെ ചുമതലയുള്ള അഡീഷണല് സെക്രട്ടറിയാണ് ടോം ജോസ്. അതേസമയം മിനി ആന്റണി സഹകരണ വകുപ്പ് സെക്രട്ടറിയാകും.
തൊഴിലും നൈപുണ്യവും വകുപ്പ് അഡീഷണല് ചീഫ് സെക്രട്ടറിയായി ഡോ. ആശ തോമസിനെ നിയമിച്ചു. നികുതി-എക്സൈസ് വകുപ്പിന്റെ അധിക ചുമതല അഡീഷണല് ചീഫ് സെക്രട്ടറി സുബ്രതോ ബിശ്വാസിന് നല്കും.
ഐ.ആന്റ്. പി.ആര്.ഡി സെക്രട്ടറി പി. വേണുഗോപാലിന് നികുതി വകുപ്പ് സെക്രട്ടറിയുടെയും വ്യവസായ വകുപ്പ് സെക്രട്ടറി സജ്ഞയ് കൗളിന് വൈദ്യുതി വകുപ്പിന്റെയും അധിക ചുമതല നല്കും. ഭക്ഷ്യസെക്രട്ടറി മിനി ആന്റണിക്ക് സഹകരണ വകുപ്പ് സെക്രട്ടറിയുടെ അധിക ചുമതല കൂടി നല്കും.മുഹമ്മദ് ഹനീഷിനാണ് കേരള സ്റ്റേറ്റ് ഇന്ലാന്റ് നാവിഗേഷന് കോര്പ്പറേഷന് എം.ഡിയുടെ ചുമതല. കോഴിക്കോട് കോര്പ്പറേഷന് സെക്രട്ടറി ജോഷി മൃണ്മയി ശശാങ്കിനെ ടൂറിസം അഡീഷണല് ഡയറക്ടറായി നിയമിച്ചു.
Top