യുഎഇ ലോട്ടറിയില് നിരവധി ഇന്ത്യക്കാര് വിജയികളായിട്ടുണ്ട്. കഴിഞ്ഞ ദിവസം യുഎഇ ലോട്ടറിയുടെ ഏറ്റവും വലിയ സമ്മാനത്തുകയായ 240 കോടി രൂപ (10 കോടി ദിര്ഹം) സ്വന്തമാക്കിയതും ഇന്ത്യക്കാരനാണ്. അബുദാബിയില് ജോലി ചെയ്യുന്ന അനില്കുമാര് ബൊള്ള (29) ആണ് ഈ ഭാഗ്യവാന്. ഇപ്പോഴിതാ തനിക്ക് ലഭിച്ച സമ്മാനത്തുക എങ്ങനെ ചെലവഴിക്കുമെന്ന് വെളിപ്പെടുത്തിയിരിക്കുകയാണ് ഈ കോടിപതി.സമ്മാനവിവരം അധികൃതര് അറിയിച്ചതുമുതല് ഉറക്കമില്ലാത്ത രാത്രികളിലൂടെയാണ് കടന്നുപോയതെന്ന് അനില്കുമാര് പറഞ്ഞു.
ഈ തുക എങ്ങനെ ചെലവഴിക്കണമെന്നാണ് അദ്ദേഹം ഇപ്പോള് ചിന്തിക്കുന്നത്. ആദ്യം ഒരു സൂപ്പര് കാര് വാങ്ങണം. കൂടാതെ, ഈ വിജയം മനസിലുറപ്പിക്കാന് സെവന് സ്റ്റാര് ഹോട്ടലില് ഒരു മാസത്തെ താമസവും അദ്ദേഹം പ്ലാന് ചെയ്തിട്ടുണ്ട്. ഇത്രയും വലിയ തുക തന്റെ ജീവിതം എന്നെന്നേക്കുമായി മാറ്റിമറിക്കുമെന്നും അനില്കുമാര് പറഞ്ഞു.എങ്ങനെ വിവേകത്തോടെ പണം നിക്ഷേപിക്കാമെന്നും സമയമെടുത്ത് ആസൂത്രണം ചെയ്യും. അമ്മയുടെ ജന്മദിനം വന്ന 11-ാം മാസം ഉള്പ്പെടുത്തിയാണ് ടിക്കറ്റ് നമ്പര് തിരഞ്ഞെടുത്തത്.
ഇത് വലിയ വിജയത്തിന്റെ താക്കോലായി മാറുമെന്ന് കരുതിയിരുന്നില്ല. പുതിയ തുടക്കങ്ങളുടെയും പ്രതീക്ഷയുടെയും ഉത്സവമായ ദീപാവലിക്ക് തൊട്ടുമുമ്പുള്ള ദിവസമാണ് ഈ വിജയം തേടിയെത്തിയത്. ഇത് അസാധാരണമായ ഒരനുഗ്രഹമായി തോന്നുന്നു. സ്വപ്നങ്ങള് ഒരുനാള് സത്യമാകുമെന്ന് മറ്റുള്ളവരെ ഓര്മിപ്പിക്കാന് എന്റെ കഥ സഹായിക്കും’- അനില്കുമാര് പറഞ്ഞു.
Top