കോഴിക്കോട്: ജില്ലയില്‍ ഭക്ഷ്യ സുരക്ഷാ വിഭാഗം നടത്തിയ റെയ്ഡില്‍ 1100 ലിറ്റർ മായം കലര്‍ന്ന വെളിച്ചെണ്ണ പിടിച്ചെടുത്തു. മോറിക്കര സായ് വിതരണക്കാരുടെ ഭാഗമായി പ്രവര്‍ത്തിക്കുന്ന വെംഗേരിയിലെ ഒരു വീട്ടില്‍ നടത്തിയ റെയ്ഡിലാണ് മായം കലര്‍ന്ന വെളിച്ചെണ്ണ കണ്ടെത്തിയത്.
രഹസ്യ വിവരം ലഭിച്ചതിനെ തുടർന്നാണ് ഭക്ഷ്യസുരക്ഷാ ഉദ്യോഗസ്ഥര്‍ റെയ്ഡ് നടത്തിയത്. രണ്ട് വാഹനങ്ങളിലായി ഏഴ് ബ്രാൻഡുകളായാണ് മായം ചേർത്ത വെളിച്ചെണ്ണ വിതരണം ചെയ്തത്. അവയിൽ രണ്ട് ബ്രാൻഡുകളായ ആര്യ, സൂര്യ എന്നിവ നിരോധിച്ച ബ്രാൻഡുകളാണ്. ഉദ്യോഗസ്ഥർ ഇവ പിടികൂടുകയും ഇവയുടെ സാമ്പിളുകൾ വിദഗ്ധമായ പരിശോധനയ്ക്ക് അയയ്ക്കുകയും ചെയ്തിട്ടുണ്ട്.
പാലക്കാട്, തമിഴ്നാട് എന്നിവിടങ്ങളിൽ നിന്നാണ് മായം ചേർത്ത് വെളിച്ചെണ്ണ കൊണ്ടുവരുന്നുവെന്ന് ഭക്ഷ്യ സുരക്ഷാ ഉദ്യോഗസ്ഥർ പറഞ്ഞു. ഡോ. വിഷ്ണു എസ്. ഷാജി, ഡോ. ജോസഫ് കുര്യക്കോസ് എന്നിവരുടെ നേതൃത്വത്തിലാണ് റെയ്ഡ് നടത്തിയത്.
Top