സ്ത്രീകളെ രാത്രികാലങ്ങളിൽ ഫോണിൽ വിളിച്ച് അശ്ലീല സംഭാഷണം നടത്തിയ ഇരുപത്തിരണ്ടുകാരൻ പോലീസ് പിടിയിൽ.കിഴക്കഞ്ചേരി മൂലങ്കോട് നെല്ലിക്കോട് വീട്ടിൽ എൻ.എ.അബ്ദുൾ റസാഖ് നെയാണ് കഴിഞ്ഞദിവസം പോലീസ് അറസ്റ്റ് ചെയ്തത്. ഭർത്താക്കന്മാർ ഗൾഫിലായ സ്ത്രീകളായിരുന്നു റസാഖിന്റെ ഇരകൾ.അവരുടെ ഫോൺ നമ്പറുകൾ കണ്ടെത്തി രാത്രികാലങ്ങളിൽ വിളിച്ചു അശ്ലീല സംഭാഷണം നടത്തുകയാണ് ഇയാളുടെ രീതിയെന്ന് പോലീസ് പറഞ്ഞു. മോഷ്ടിച്ച ഫോണുകളിൽ നിന്നാണ് റസാക്ക് സ്ത്രീകളെ ഫോൺ വിളിച്ചിരുന്നത്. അതും വ്യാജപ്പേരുകളിൽ. ഇത്തരത്തിൽ നൂറോളം പേരുമായി പ്രതി സംസാരിച്ചിരുന്നതായി പോലീസ് പറഞ്ഞു.
Top