വിദ്യാര്‍ഥിനികളെ വിഡിയോ കോള്‍ ചെയ്ത് അശ്ലീല ദൃശ്യങ്ങള്‍ പ്രചരിപ്പിച്ചു; എബിവിപി നേതാവ് അറസ്റ്റില്‍

ബെംഗളൂരു: വിദ്യാര്‍ഥിനികളെ വീഡിയോ കോള്‍ ചെയ്ത് അശ്ലീല ദൃശ്യങ്ങള്‍ സോഷ്യല്‍മീഡിയയിലൂടെ പ്രചരിപ്പിച്ച എബിവിപി നേതാവ് അറസ്റ്റില്‍.എബിവിപി ശിവമൊഗ്ഗ തീര്‍ത്ഥഹള്ളി താലൂക്ക് പ്രസിഡന്റ് പ്രതീക് ഗൗഡയാണ് അറസ്റ്റിലായത്. കര്‍ണാടകയിലെ ശിവമൊഗ്ഗയിലാണ് സംഭവം. വിദ്യാര്‍ത്ഥിനികളുമായി അശ്ലീല വീഡിയോ കോളുകള്‍ വിളിക്കുന്നത് ഇയാളുടെ പതിവായിരുന്നുവെന്ന് പോലീസ് പറയുന്നു.

വീഡിയോ ദൃശ്യങ്ങള്‍ വച്ച് വിദ്യാര്‍ഥിനികളെ പ്രതീക് ഭീഷണിപ്പെടുത്തിയതിനു തെളിവുണ്ടെന്ന് ശിവമൊഗ്ഗ പോലീസ് മേധാവി ജി.കെ. മിഥുന്‍ കുമാര്‍ പറഞ്ഞു. ഇയാളെ കോടതി റിമാന്‍ഡ് ചെയ്തു.