‘മക്കള്‍ ഏതൊരു മാതാപിതാക്കളുടേയും സ്വപ്നമാണ്, വര്‍ഷങ്ങളെത്ര കടന്നുപോയാലും നീ എന്റെ ഓമന പൊന്നുമോളാണ്, എന്റെ ചക്കര മുത്താണ്’; അച്ഛന്‍ എഴുതിയ കത്ത് വായിച്ച് വികാര നിര്‍ഭരയായി നടി നവ്യ നായര്‍

അച്ഛന്‍ എഴുതിയ കത്ത് വായിച്ച് വികാര നിര്‍ഭരയായി നടി നവ്യ നായര്‍. 38-ാം പിറന്നാള്‍ ആഘോഷത്തിന്റെ വീഡിയോ താരം ഇന്‍സ്റ്റഗ്രാമില്‍ പങ്കുവെച്ചു. അടുത്ത ബന്ധുക്കള്‍ക്കും പ്രിയപ്പെട്ടവര്‍ക്കുമൊപ്പം ആഘോഷിച്ച പരിപാടിക്കിടെ അച്ഛന്‍ എഴുതിയ കത്ത് വായിച്ച് നവ്യയുടെ കണ്ണ് നിറയുന്നതും വീഡിയോയിലുണ്ട്.

മക്കള്‍ ഏതൊരു മാതാപിതാക്കളുടേയും സ്വപ്നമാണ്. വര്‍ഷങ്ങളെത്ര കടന്നുപോയാലും നീ എന്റെ ഓമന പൊന്നുമോളാണ്. എന്റെ ചക്കര മുത്താണ്.’എന്നായിരുന്നു നവ്യയുടെ അച്ഛന്‍ പിറന്നാള്‍ കുറിപ്പില്‍ എഴുതിയത്. കത്ത് വായിക്കുന്നതിനിടയില്‍ വാക്ക് മുറിഞ്ഞുപോയ നവ്യ കരയുന്നതും വിഡിയോയില്‍ കാണാം.