തിരുവനന്തപുരം: സില്‍വര്‍ലൈന്‍ ഡിപിആറില്‍ സര്‍ക്കാറിന് പിടിവാശിയില്ലെന്ന് സിപിഎം കേന്ദ്രകമ്മിറ്റി അംഗം എകെ ബാലന്‍. ഇ ശ്രീധരന്റെ ബദല്‍ നിര്‍ദ്ദേശം പാര്‍ട്ടി ചര്‍ച്ച ചെയ്യും. നിലവിലെ പദ്ധതി എ-ടു-ഇസഡ് അതേ പോലെ തന്നെ വേണമെന്ന നിര്‍ബന്ധമില്ലെന്നും സംസ്ഥാനത്തിന്റെ വികസനത്തിനായി ബിജെപിയെയും ഒപ്പം നിര്‍ത്തുമെന്നും ബാലന്‍ പറഞ്ഞു. ശ്രീധരന്റ ബദല്‍ സിപിഎം – ബിജെപി ഡീലിന്റെ ഭാഗമാണെന്ന് കോണ്‍ഗ്രസ് ആരോപണവും ബാലന്‍ തള്ളി. വികസനത്തില്‍ രാഷ്ട്രീയമില്ലെന്ന് പറഞ്ഞ അദ്ദേഹം ചങ്കെടുത്ത് കാട്ടിയാലും ചെമ്പരത്തിയെന്ന് പറയുന്നവരാണ് ചിലരെന്ന പരിഹാസവും വിഷയത്തില്‍ ഉന്നയിച്ചു.
വ്യാപകമായി ഭൂമിയേറ്റെടുക്കേണ്ടെന്നതാണ് ഇ ശ്രീധരന്റെ സില്‍വര്‍ ലൈന്‍ ബദല്‍ നിര്‍ദ്ദേശത്തിന്റെ ഒരു നേട്ടം. ആദ്യം സെമിസ്പീഡ് റെയില്‍, പിന്നെ ഹൈ സ്പീഡ് റെയില്‍ പദ്ധതിയെന്ന നിര്‍ദ്ദേശമാണ് ഇദ്ദേഹം മുന്നോട്ട് വച്ചത്.
Top