ഒരു തെളിവുമില്ലാതെ ദിലീപിന്‍െ്‌റ പുട്ടുകട അടിച്ചു തകര്‍ത്തവരെന്തേ മൊയ്തീനോട് ആവേശം കാണിക്കുന്നില്ല?

മലപ്പുറം: നടി ആക്രമിക്കപ്പെട്ട കേസില്‍ ആരോപണ വിധേയനായി അറസ്്റ്റിലാകപ്പെട്ടപ്പോള്‍ തന്നെ ആവേശത്തോടെ പുട്ടുകട തല്ലിപ്പൊളിച്ച ഡിവൈഎഫ്ഐ എന്തുകൊണ്ടാണ് ഇത്രയും തെളിവുണ്ടായിട്ടും മൊയ്തീന്റെ സ്വര്‍ണക്കട തല്ലിപ്പൊളിക്കാത്തത് എന്ന ചോദ്യവുമായി ദിലീപിന്റെ ബന്ധുവും നടനുമായ അല്ലു അപ്പു. ഒരു മുത്തശ്ശിഗ്ഗദ എന്ന ചിത്രത്തിലൂടെ ബംഗാളി ബാബുവായി ശ്രദ്ധേയനായ അപ്പു ദിലീപിന്റെ സഹോദരന്‍ അനൂപിന്റെ അളിയനാണ്.

എടപ്പാളിലെ തിയേറ്ററില്‍ പത്തു വയസുകാരി പെണ്‍കുട്ടിയെ പീഡിപ്പിച്ച കേസില്‍ പൊലീസ് പിടിയിലായ മൊയ്തീന്‍ സ്വര്‍ണവ്യാപാരിയാണ്. ഇയാള്‍ക്ക് മലപ്പുറത്ത് കടയുണ്ടെന്നാണ് പ്രചരിക്കുന്ന വിവരം. ഇതിന്റെ അടിസ്ഥാനത്തിലാണ് അപ്പുവിന്റെ ചോദ്യം. ഫെയ്സ്ബുക്കിലാണ് അപ്പു ഇക്കാര്യം ഉന്നയിച്ചത്. രാഷ്ട്രീയ പാര്‍ട്ടികളും, പോലീസുമായി മൊയ്തീന് അടുത്ത ബന്ധമുണ്ടെന്ന വിവരങ്ങള്‍ വരുന്നതിനിടെ യുവാവിന്‍െ്‌റ ഫെയ്‌സ്ബുക്ക് ശ്രദ്ധിക്കപ്പെടുകയാണ്.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

‘ദിലീപിന്റെ പുട്ട് കട തല്ലിപ്പൊളിച്ച പോലെ മൊയ്തീന്റെ സ്വര്‍ണ്ണക്കട തല്ലിപ്പൊളിക്കാത്തത് എന്തേ ഡിവൈഎഫ്ഐ??? പേടിച്ചിട്ടായിരിക്കോ…? ഏയ്… സംഭവം അറിഞ്ഞില്ലായിരിക്കും… ഇനി ചിലപ്പൊ അങ്ങനെ ഒരു കട ഇല്ലായിരിക്കോ??… കഷ്ടം…’

നടി ആക്രമിക്കപ്പെട്ട കേസ് കൊടുംപിരി കൊണ്ടുനിന്ന കാലത്ത് കോഴിക്കോടുള്ള ദിലീപിന്റെ ദേ പുട്ട് റെസ്റ്റോറന്റിന് നേര്‍ക്ക് ഡിവൈഎഫ്ഐ പ്രവര്‍ത്തകരുടെ ആക്രമണമുണ്ടായിരുന്നു. നടി ആക്രമിക്കപ്പെട്ട കേസില്‍ ദിലീപിനെതിരെ ഗൂഢാലോചന കുറ്റമാണ് ചുമത്തിയിരിക്കുന്നത്.

Top