ഭാര്യയുടെ സ്വകാര്യ ഭാഗങ്ങൾ നേരാം വണ്ണം വെളിച്ചത്തു കണ്ടിട്ടുണ്ടോ ?അവളുടെ സ്വകാര്യ ഭാഗങ്ങൾ ചുംബിച്ചും നാവ് കൊണ്ട് തഴുകിയും അവളെ ഉണർത്തിയിട്ടുണ്ടാകും?

കൊച്ചി:സോഷ്യൽ മീഡിയ നിറയെ ചർച്ചയായിരിക്കുകയാണ് ജിയോ ബേബി സംവിധാനം ചെയ്ത ദ ഗ്രേറ്റ് ഇന്ത്യൻ കിച്ചൻ എന്ന സിനിമ. ഭാര്യ വച്ചുണ്ടാക്കിത്തന്ന ഭക്ഷണം കഴിച്ചാല്‍ മാത്രം തൃപ്തി വരുന്ന പുരുഷ സമൂഹവും ഇവിടെയുണ്ട്. ഇതിന് അവര്‍ പറയുന്ന അടിസ്ഥാനം ഭാര്യയോടുളള സ്‌നേഹം എന്നതാകും. അടുക്കളയില്‍ എത്ര തിരക്കുണ്ടെങ്കിലും ഭാര്യയെ സഹായിക്കാത്തതിന് പറയുന്ന മുട്ടുന്യായവും ഇതു തന്നെ. ചിലരാകട്ടെ, ഭാര്യ വിളമ്പിത്തന്നാല്‍ മാത്രം കഴിയ്ക്കുന്നവര്‍. ഭാര്യ വച്ചു വിളമ്പിത്തരികയെന്ന കടമയുള്ളവളാണെന്ന ചിന്ത ഉള്ളില്‍ വച്ചു കൊണ്ട് ഭാര്യയുടെ കൈ കൊണ്ട് വിളമ്പിക്കിട്ടിയാലേ തൃപ്തി വരൂവെന്ന മറു വാദം പറയുന്നവര്‍.

അടുക്കളയിൽ തളയ്ക്കപ്പെട്ടു പോകുന്ന സ്ത്രീകളെക്കുറിച്ചും കിടപ്പറയിൽ ലാളന ലഭിക്കാത്ത സ്ത്രീകളെക്കുറിച്ചുമെല്ലാം ചിത്രം പറഞ്ഞു വയ്ക്കുന്നു. സെക്സിനു മുമ്പായി ഫോർപ്ലേയെക്കുറിച്ച് ഭാര്യ പറയുമ്പോൾ അതിൽ വിമ്മിഷ്ടപ്പെടുന്ന ഭർത്താവിനെയും ചിത്രത്തിൽ കാണാം.

ഈ പശ്ചാത്തലത്തിലാണ് ഡോ ഷിനു ശ്യാമളന്റെ കുറിപ്പ് വൈറലാകുന്നത്. ഇരുട്ടത്തു കാണിക്കേണ്ട അഭ്യാസം വല്ലതുമാണോ ലൈംഗികബന്ധം എന്ന് ചോദിച്ചാണ് കുറിപ്പ് ആരംഭിക്കുന്നത്. ഭാര്യയുടെ സ്വകാര്യ ഭാഗങ്ങൾ നേരാം വണ്ണം വെളിച്ചത്തു കണ്ടിട്ടുള്ളവർ എത്ര പേരുണ്ടാവും? അവളുടെ മുഖഭാവങ്ങൾ മാറിമറയുന്നത് കണ്ണ് നിറയേ കണ്ടുകൊണ്ട് അസ്വദിച്ചിട്ടുണ്ടാകുമോ? എന്നെല്ലാം ചോദിച്ചു കൊണ്ട് ആരംഭിക്കുന്ന കുറിപ്പ് ഇതിനകം വൈറലായി കഴിഞ്ഞു.

ഡോ. ഷിനു ശ്യാമളന്റെ ഫേസ്ബുക്ക് കുറിപ്പ്:

“ലൈറ്റ് ഓഫ് ആക്കുവല്ലേ”..
ഇരുട്ടത്തു കാണിക്കേണ്ട അഭ്യാസം വല്ലതുമാണോ ലൈംഗികബന്ധം? കൂരാ കൂരിരുട്ടിൽ തപ്പി തടഞ്ഞു എന്ത് മോഷ്ട്ടിക്കാൻ പോകുന്നതാണ്? ആവോ.

ഭാര്യയുടെ സ്വകാര്യ ഭാഗങ്ങൾ നേരാം വണ്ണം വെളിച്ചത്തു കണ്ടിട്ടുള്ളവർ എത്ര പേരുണ്ടാവും? അവളുടെ മുഖഭാവങ്ങൾ മാറിമറയുന്നത് കണ്ണ് നിറയേ കണ്ടുകൊണ്ട് അസ്വദിച്ചിട്ടുണ്ടാകുമോ? അവളുടെ സ്വകാര്യ ഭാഗങ്ങൾ ചുംബിച്ചും നാവ് കൊണ്ട് തഴുകിയും അവളെ ഉണർത്തിയിട്ടുണ്ടാകും? സ്ത്രീക്ക് ഓർഗാസം വരുന്നത് വരെ ഫോർപ്ളേ ചെയ്തു കൊടുത്തിട്ടുണ്ടാവും? അഞ്ചു മിനിറ്റിൽ കാര്യം കഴിഞ്ഞിട്ട് മുണ്ടും മുറുക്കി കുത്തി എത്ര പേർ കിടന്ന് ഉറങ്ങുന്നുണ്ടാകും?

ക്ളൈറ്റോറിസ് എന്നത് വികാരങ്ങളുടെ പർവ്വതത്തിന്റെ ഉറവിടം പോലെയാണ്. അതിൽ തൊട്ടും, തലോടിയും, ചുംബിച്ചും, തഴുകിയും, നാവ് കൊണ്ട് ഉണർത്തിയും അവൾ ഉണരുന്നത് കാണുന്നത് തന്നെ ഒരു പുരുഷന് ലൈംഗിക ഉണർവ് നൽകാം.

എന്നും മുകളിൽ കയറി കിടന്ന് മിഷനറി പൊസിഷനിൽ ലൈംഗിക ബന്ധത്തിൽ ഏർപ്പെടാതെ മറ്റ് പൊസിഷനുകൾ കൂടി ട്രൈ ചെയ്യുക. നിങ്ങളുടെ മുകളിൽ കയറി അവളോ, വല്ല മേശയിലോ ,സോഫയിലോ കിടന്നോ, രണ്ടു പേരും ചരിഞ്ഞു കിടന്നോ, രണ്ടു പേരും ഇരുന്നോ പല രീതിയിൽ പല പൊസിഷനിൽ പരീക്ഷണങ്ങൾ നടത്തുക.

കിടക്കയിൽ മാത്രം ട്രൈ ചെയ്യാതെ, ഇടയ്ക്ക് കുളിമുറി, ലിവിങ് റൂം, അടുക്കള എന്നിവയൊക്കെ വീട്ടിൽ മറ്റ് ആളുകൾ ഇല്ലാത്തപ്പോൾ ഉപയോഗപ്പെടുത്താം. അതിന് സാധിക്കില്ലെങ്കിൽ യാത്ര പോകുമ്പോൾ റിസോർട്ടിലോ ഹോട്ടലിലോ എവിടെയോ നഷ്ടപ്പെട്ട ഉണർവും ഉന്മേഷവും ലൈംഗികതയിൽ തിരികെ കണ്ടെത്തുക.

തേൻ, ചോക്കലേറ്റ് ഒക്കെ നുണഞ്ഞു ഫോർപ്ലെ വ്യത്യസ്തവും അസ്വാദകരവും രുചികരവുമാക്കാം. അടുക്കളയിൽ മാത്രമല്ല, ബെഡ്റൂമിലും അങ്ങു രുചികരമായ പാചകം ചെയ്താലും. രണ്ടുപേർക്കും താൽപര്യമുണ്ടെങ്കിൽ സെക്‌സ് ടോയ്‌സ് ട്രൈ ചെയ്യാവുന്നതാണ്.

സെക്സിൽ മെല്ലെ ഫോർപ്ളേയൊക്കെ ചെയ്തു സ്ത്രീക്ക് കൂടി ഓർഗാസം വരുന്നതൊക്കെ പരിഗണിച്ചു രണ്ടു പേരും ആസ്വദിച്ചു അഞ്ചു മിനിറ്റിൽ തീരുന്ന ഒന്നായി സെക്സിനെ മാറ്റാതെ, അരമണിക്കൂറോ ഒരു മണിക്കൂറോ നീളുന്ന വിനോദമാക്കി അങ്ങു മാറ്റുക. സെക്സ് നല്ലൊരു വ്യായാമം കൂടി ആണെന്ന് ഓർക്കാം😊.
The great indian kitchen സിനിമ കണ്ടപ്പോൾ എഴുതണം എന്ന് തോന്നിയത്..