താന്‍ ബോഡിഷെയിമിങ്ങിന് വിധേയയായിട്ടുണ്ടെന്നും അത് ഒരുപാട് വിഷമിപ്പിച്ചെന്നും വെളിപ്പെടുത്തിയിരിക്കുകയാണ് നടിയും മോഡലുമായ ഹുമ ഖുറേഷി. ബര്‍ഖ ദത്തുമായി നടത്തിയ ഒരു അഭിമുഖത്തിലാണ് അഭിനയ ജീവിതത്തിന്റെ പ്രാരംഭ ഘട്ടത്തില്‍ എങ്ങനെ ബോഡി ഷേമിങ്ങിന് വിധേയനായെന്ന് ഹുമ ഖുറേഷി പറഞ്ഞത്.
‘ഇന്ന് ബോഡി പോസറ്റിവിറ്റിയെ പറ്റി പറയുന്ന പല മാസികകളും തന്റെ ശരീരത്തെ കുറിച്ച് പലതും തുറന്നെഴുതി. കാല്‍മുട്ടുകളുടെ വണ്ണം, ചില ശരീരഭാഗങ്ങള്‍ സൂം ചെയ്ത് അവയെ വട്ടമിട്ട് അവതരിപ്പിച്ചു.
ആളുകള്‍ പലപ്പോഴും തന്നോട് ശരീരഭാരം കുറയ്ക്കാനോ ലിപ്പോസക്ഷന്‍ ശസ്ത്രക്രിയയ്ക്ക് വിധേയനാകാനോ ആവശ്യപ്പെട്ടെന്നും ഹുമ പറഞ്ഞു. ‘ഒരിക്കല്‍ ഒരു ചലച്ചിത്ര നിരൂപകന്‍ എഴുതിയത് വായിച്ചപ്പോള്‍ സങ്കടം തോന്നി, സുന്ദരിയായ നടിയാണ് ഹുമ, പക്ഷേ ഒരു മുഖ്യധാരാ നായികയാകാന്‍ വേണ്ടതിനേക്കാള്‍ 5 കിലോ ഭാരം കൂടുതലായിരിക്കുമെന്ന് എഴുതി. അതെല്ലാം വളരെയേറെ വിഷമിപ്പിച്ചു’. ഹുമ പറഞ്ഞു
Top